– Vi har kravd at ei rekkje oppdrettar hjelper til med å finne ut kvar den rømde laksen kjem frå, seier seksjonssjef i Fiskeridirektoratet, Leni-Marie Lisæter til NRK.
Frå kysten av Agder til ytre Sunnfjord har det dei siste dagane blitt fanga rømd oppdrettslaks. Men ingen veit førebels kvar den kjem ifrå.
– Vi ser alltid alvorleg på det når vi får inn tips om rømd oppdrettslaks som vi ikkje klarer å spore til noko spesiell hending, seier
Styresmaktene trur det er tilfeldig at det er oppdaga rømmingar både på Vestlandet og Sørlandet no. Fisken som er funne i sør er mindre enn fisken i vest.
I Ytre Sogn og Sunnfjord er det funne oppdrettslaks på 3-5 kilo, det som blir kalla slaktevekt. I Agder er fisken 1-2 kilo.
– Det er veldig vanskeleg å seie kvar desse rømmingane kjem ifrå. Det er ei betydeleg rømming. seier Lisæter i Fiskeridirektoratet.
Ho opppmodar sterkt om at funn av oppdrettslaks i elvar og fjordar i dagane framover blir rapportert inn til direktoratet.
Fiskeridirektoratet har no gitt beskjed til alle oppdrettarar i dei ulike områda om å sjekke anlegga sine.
I desse områda er det fanga rømd oppdrettslaks no:
Agder:
- Åna-Sira
- Kvina
- Sokna
Sogn:
- Vadheimsfjorden
- Høyangsfjorden
- Solund
Sunnfjord:
- Gaula
- Nausta
- Jølstra
Hittil i 2020 har fått 23 rapportar om rømmingar frå oppdrettarar på om lag 31 000 laks. i 2019 blei det registrert at 290.000 laks og 2000 regnbogeaure rømde frå norske oppdrettsanlegg.