Sp og H snudde om regnboge-gangfelt
Det er Høgre og Senterpartiet som likevel støttar regnbogefarga gangfelt på fylkesvegane ved Rådhuskvartalet i Bergen, tre dagar etter at dei stemte mot. Fredag morgon opplyste fylkesordførar Jon Askeland til NRK at fargelegginga får fleirtal i fylkestinget.
Silja Ekeland Bjørkly (H) kallar det ei grei løysing at dette blir ei prøveordning.
– Dette vart ei meir betent sak enn me hadde trudd, og nokon opplevde det at vi sa nei som sårande. Det var aldri vår intensjon, seier ho.