– Eg gler meg til å sjå det sjølv. Når eg tenner på alt saman, så roper eg ut «wow!», seier Wold.
Inspirasjonen fekk han frå ekskona som var glad i den typisk amerikanske julepyntinga.
Det starta i det små tilbake i 2005, og sidan har det ballet på seg.
Lyser opp ei mørk tid
Dei siste seks åra har det sett likt ut som no.
Rundt 40–50 timar bruker han på å dekorera heile huset, og like mykje på å ta det ned.
Han veit ikkje kor mange meter med leidning som er snurra rundt huset. Men det er rundt 35.000 ledpærer som ikkje tek så mykje straum, fortel han.
Trass i høge straumprisar også i år, set ikkje det ein stoppar for å skapa julemagi for dei som køyrer forbi.
– Eg synest det er gøy, og så lyser det opp ei mørk tid, seier Wold.
Turistattraksjon
Huset som ligg på austsida av Nøtterøy i Færder kommune, har vorte ein slags turistattraksjon.
Fleire og fleire køyrer forbi, stoppar opp og tek bilete, fortel Wold.
Han høyrer om mange som køyrer langvegsfrå for å sjå på huset hans.
– Eg håpar folk sit igjen med ei god kjensle og får ei oppvarming til jul, og får litt julestemning. Det hadde vore ålreit.
Og Wold har berre fått positive tilbakemeldingar, ikkje ein einaste negativ.
Han skal heller ikkje gi seg med det første.
– Eg skal halda på så lenge eg orkar, og bur her. Det kjem eg til å gjera til «the bitter end».
Kva synest folk flest om julebelysning?
Henrik Svendsen Gundersen
– Eg synest det er fint, men det kan nok bli for mykje òg.
Aud Bråthen
– Det er fint med litt, men det finst grenser.
Fredrik Syversen
– Eg synest det er kult med mykje lys til jul.
Thirild Bråthen
– Det kan bli litt vel mye. Det blir fort litt glorete.
Hei!
Takk for at du leser.
Sitter du igjen med noen tanker etter du har lest denne saken, eller har du tips til noe annet jeg bør skrive om?