opplyser til Reuters at dei har sjekka bruktbilprisane på Volkswagen sine dieselbilar i perioden 17. september til 9. oktober i 30 land, og at det ikkje er snakk om eit verdifall. Selskapet seier likevel at det kan skje forandringar seinare på året.
– Det er ikkje noko som tyder på at prisane på dieselbilane til Volkswagen-konsernet sine modellar har gått ned, seier toppsjefen i det Sveits-baserte selskapet EurotaxGlass's AG, Christof Engelskirchen.
Dieselgate
Undersøkinga viser rett nok at det var eit prisfall på 1,5 prosent for dieselbilane til Volkswagen i Tyskland, men Engelskirchen trur dette har meir å gjere med den generelle økonomiske situasjonen enn med utsleppsskandalen.
– Likevel er det ein sjanse for at prisane kan falle, når det verkeleg har gått opp for folk kor stor Dieselgate-saka er, legg han til.
Heller ikkje salet av nye dieselbilar frå Volkswagen-konsernet har gått ned etter at jukset med utsleppsmålingar vart kjent. Audi, som er ein del av konsernet, opplyste i dag at salet deira har gått med 6,8 prosent i september. Etterspurnaden har vore spesielt sterk i Sør-Europa og USA.
Aksjeprisen opp
Samstundes melder AFP at Volkswagen-aksjen steig kraftig på Frankfurt-børsen i dag. Dette har ført til rykte om at det er ei ukjent gruppering er i ferd med å kjøpe seg opp i selskapet. Oppgangen i dag var på 7,19 prosent.
Avisa Bild skriv i dag at det går rykte i marknaden om at det er to største eigarane i selskapet, familien Porsche og familien Piech, er i ferd med å kjøpe seg ytterlegare opp.
I dag har Volkswagen-importøren her i landet, Møllergruppen, lagt ut ein søkjebase på nettsidene sine der eigarar av bilar frå VW-konsernet kan sjekke om dei er ramma av skandalen, ved å taste inn registreringsnummeret på bilen.
Her kan du
.