Kenyas mangeårige opposisjonsleiar Raila Odinga døde i går. Han fekk hjartestans under ei reise til India, og vart erklært død på sjukehus.

Dødsfallet får stor merksemd i Kenya, der Odinga er sett på som ein frigjeringshelt, spesielt for luo-folket som er landets nest største folkegruppe.

Kista med Odinga landa i dag på hovudflyplassen i Nairobi, og blir frakta til landets største stadion, Kasarani National Stadium (biletet).

Der vil det bli arrangert likskue og seremoni, før Odinga på søndag blir gravlagd i landsbyen kor han vart fødd, utanfor den nordvestlege byen Kisumu.

Det er venta at dødsfallet vil prege landets politikk i lang tid framover. Odinga hadde aldri utnevnt nokon etterfølgar, og han var før sin død sett på som ein mogleg utfordrar til presidentjobben ved valet i 2027.

Kenya er for tida prega av politisk uro etter at eit ungdomsopprør starta for to år sidan.

Odinga har fleire gonger bidratt til å skape ro i politisk urolege tider i Kenya, og han har ofte spelt ei nøkkelrolle i innanrikspolitiske forhandlingar.