NRK Meny
Normal

Skyt mot Gbagbo-lojale soldatar

Franske helikopter angreip og øydela to bilar fulle med væpna menn som prøvde å ta seg inn i den franske ambassaden i Abidjan.

Fransk helikopter

Eit fransk helikopter over Abidjan 1. april.

Foto: ISSOUF SANOGO / Afp

Elfenbenskysten

Gbagbo-lojale soldatar i og på ein bil fullasta med våpen.

Foto: LUC GNAGO / Reuters
Ouattara-soldat held utkikk i Abidjan

Ein soldat som støttar den valde presidenten Alassane Ouattara held utkikk i Abidjan.

Foto: STR / Afp

– To bilar med væpna menn på veg frå huset til tidlegare president Gbagbo prøvde å ta seg inn i den franske ambassaden medan dei skaut rundt seg. Bilane vart øydelagde av forsvarshelikopter, seier den franske forsvarsministeren Gerard Konguet.

Mennene var ifølgje nyheitsbyrået Reuters tilsynelatande tilhengjarar av president Laurent Gbagbo, som nektar å gå av sjølv om han tapte valet i november.

Angrip Gbagbo-palass

Også torsdag føremiddag er det meldt om skyting med tungt artilleri ved palasset til Gbabgo.

I går prøvde soldatar lojale til den valde presidenten Alassane Ouattara å ta seg inn i palasset til Gbagbo, for å tvinge han til å gi frå seg makta og vedkjenne seg Ouattara som rettmessig valvinnar og president i landet.

Dei greidde ikkje å få Gbagbo ut i går , og måtte gi opp.

FN og Frankrike sa i går at dei ikkje har klart å forhandle fram ein avgang for Gbagbo, som tidlegare signaliserte at han kunne vere interessert i å gå med på nettopp det .

Angip ambassadar

Også tidlegare i dag måtte helikopter gripe inn og stanse militære køyrety frå styrkane til Gbagbo.

Oppdraget vart ifølgje talsmann for dei franske styrkane, Thierry Burkhard, utførd for å redde den japanske ambassadøren i Elfenbeinskysten.

Franskmennene, som denne veka vart med i FN-leidde angrep for å øydeleggje tunge våpen tilhøyrande Gbagbo-styrkane, greip inn då soldatar tok seg inn i huset der den japanske ambassadøren Yoshifumi Okamura og sju tilsette hadde forskansa seg.

Laster innhold, vennligst vent..
Laster innhold, vennligst vent..

SISTE NYTT

Siste nytt