Neste helg er det Thanksgiving, den viktigaste familiehøgtida i USA. Då står det kalkun på bordet i dei fleste heimar, så også hos tidlegare visepresidentkandidat Sarah Palin heime i Alaska.
Og før Thankgsiving er det også mange tradisjonar, som å frede ein kalkun som skal sleppe å bli til middagsmat.
Sjå videoen her:
Det var dette Palin kom til kalkunfarmen Triple D i Alaska for å gjere her om dagen, og då ein lokal fjernsynsstasjon ville ha eit intervju med henne, så vart det gjort framfor sjølve slakteriet.
Og medan Palin snakkar om kva grunnar ho har til å vere takknemleg for året som har gått, og korleis familien har det og så vidare, så driv ein litt forvirra kalkunslaktar på for fullt i bakgrunnen.
Det blir vanskeleg å konsentrere seg om Alaska-guvernøren, og slaktaren tek over stadig meir av merksemda.
Og Palin var fullt klar over kva som gjekk føre seg i bakgrunnen, men ho syntest det passa godt sånn like før Thanksgiving.