Syria nektar for at Russland gir dei kamphelikopter

– Russland leverer ingen helikopter til Syria, sa ambassadør Riad Haddad til nyheitsbyrået Reuters torsdag, to dagar etter at Clinton sa det motsette.

• LES: Clinton skuldar Russland for å lyge om våpen til Syria

Clinton gjekk ut med krass kritikk mot Russland og hevda at USA hadde informasjon om at angrepshelikopter allereie var på veg til Syria.

– våpna brukast ikkje i konflikten

Utanriksminister i Russland, Sergei Lavrov, vedgår at Russland leverer eit luftvernsystem til Syria, men avviser at dette er eit brot på internasjonale avtalar.

Russland har vore den viktigaste støttespelaren til president al-Assad internasjonalt.

Saman med Kina har Russland sørgde for å hindre FN-sanksjonar mot regimet og i tillegg heldt fram salet av våpen til Syria.

• LES OGSÅ: «Kina, Russland. Takk ... vi dør!»

Syrias utanriksminister Sergei Lavrov svarar dermed på skuldingane frå Clinton om at Russland sender helikopter til Syria som vert nytta i kampar med å rette same skulding i retning Washington D.C.

• LES OGSÅ: – USA gjev våpen til opprørarane
• LES OGSÅ: EU presser Russland om Syria

– I motsetnad til våre handlingar, så bryt USA med internasjonal rett når dei gjev våpen til den syriske opposisjonen. Våpen som opprørarane nyttar mot den syriske regjeringa, seier han på ein pressekonferanse i Teheran.

Skuldar USA for å forsyne opprørarane

Aldri før har Russland så tydeleg peika på USA som part i konflikten. Tidlegare har dei nøya seg med å seie at utanlandske krefter er involverte i Syria.

LES: Mood: FN-observatørene nektes å se hva som skjedde i Hama
LES: Diplomater ut, hjelpearbeidere inn

Ei kjelde i eksportmonopolet for våpen sa onsdag at det ikkje er inngått noko ny kontrakt om sal av angrepshelikopter mellom Russland og Syria.

Derimot seier kjelda at Clinton kan ha referert til fem syriske militære helikopter som er blitt reparert i Russland.

Grove angrep og overgrep

FN reknar at mellom 10 000 og 14 000 menneske har mista livet i konflikten sida den starta for femten månader sidan. Nyleg kom ein knusande rapport som fastslår grove brotsverk mot menneskeslekta.

• LES: - Syriske tryggingsstyrkar driv brotsverk mot menneskeslekta
• LES: – Brukar born som skjold

Rapporten fastslår at angrep og overgrep blir gjennomførde av både regjeringshæren og militsgrupper utan at nokon blir straffa for det.

Her blir det lagt fram bevis for at regjeringshæren gjer omfattande og systematiske overgrep, brotsverk mot menneskeslekta og krigsbrotsverk.