Informasjonskampanjar er ein del av den nye røykeloven. Her frå ein barneskule i Beijing.
Foto: STR / Afp1. juni er datoen der Kinas nye anti-røykelov tek til å gjelde. Det er frå no av ulovleg å røyke på kontor, restaurantar, hotell og sjukehus i hovudstaden Beijing. Men også i område nær skular, sjukehus og sportsarenaer vert det ulovleg å ta «frisk luft».
Bøter ved lovbrot
Men ei slik lov kan bli vanskeleg å handheve i landet kor det røykes flest sigarettar i løpet av ein dag. Difor er frykta stor for at loven ikkje skal bli følgd.
Så om du likevel vel å ta eit trekk eller to på ein offentleg stad, så ventar det bot. Som privatperson kan du vente deg bøter på over 200 kroner. Noko som svir ekstra hardt for vanlege kinesiske lommebøker.
- LES OGSÅ:
Utestader eller andre offentlege institusjonar som bryt forbodet regelmessig kan få bøter på over 12.000 kroner. Særskild nattklubbane vert sette på som potensielle lovbrytarar.
– Nøkkelen ligg hos dei som eig utestadane. Dei har ansvaret for å forsikre at det ikkje vert røyka i deira bedrift, seier Zhang Jianshu, som er leiar for Beijing Tobacco Control Association.
Styresmaktene har også oppretta ein tipstelefon der folk kan ringe inn for å rapportere om brot på lova.
Det har blitt særs vanleg å ta seg ein sigarett i Kina. Her er det ein arbeider i ei kolgruve som tek ein røyk medan han tek seg eit bad etter at skiftet hans er over.
Foto: STRINGER SHANGHAI / ReutersBilete av lovbrytarar kan hamne på nettet
Målet med røykeforbodet er å betre helsa til folk flest. Røykpakkane er ofte billige, med ein pris på rundt 10 kroner pakken, og med Beijings dårlege luftkvalitet i tillegg kan det heile få alvorlege følger.
Dette er ikkje Kinas første forsøk på å stramme inn bruken av sigarettar, men tidlegare forsøk har ikkje lukkast med å bli godt implementerte.
- LES OGSÅ:
I Kina vert miljø- og tryggingslover ofte ikkje godt nok handheva, fordi det er vanskeleg å ha oversikta over eventuelle lovbrot.
Men no skal plakatar, tipstelefonen og kampanjar på sosiale medium gi informasjon til innbyggjarane. Og om du er riktig uheldig kan eit bilete av deg som røyker på ein ulovleg stad hamne på sosiale medium, der styresmaktene har lagt til rette for også den type rapportering.
