Lova vart vedteke i nasjonalforsamlinga med 331 røyster for, og 225 i mot. Dette var ikkje overrraskande, då Senatet røysta ja til lova for to veker sidan.
Det vil også bety at homofile i Frankrike vil kunne adoptere barn på lik linje med heterofile par.
Store demonstrasjonar
Lovendringa har skapt eit voldsomt engasjement i Frankrike. I mars deltok rundt 300.000 franskmenn i ein demonstrasjon mot at homofile og lesbiske skal få gifte seg og adoptere barn.
Forslaget har også fått kraftig motbør av den katolske rørsla i landet. Dei menar ekteskapet skal vere utelukkande mellom mann og kvinne, det same med retten til å få barn.
Pave Benedict XVI uttalte tidligere i år at ekteskap mellom homofile trugar «sjølve framtida til menneska».
- LES OGSÅ:
- LES OGSÅ:
Tredje landet i år
Frankrike vil bli ein del av 12 andre land som tillet likekjønna ekteskap: Nederland, Belgia, Spania, Canada, Sør-Afrika, Norge, Sverige, Portugal, Island, Argentina, Uruguay og Danmark og New Zealand. I tillegg er det lovleg i enkelte delstatar av USA, Brasil og Mexico.
Berre i år har Uruguay og New Zealand gjort likekjønna ekteskap lovleg, medan det er på veg til å bli legalisert i Storbritannia.