Sidsel Bjørnseth, som representerer den norskdrivne barneheimen Streetlight i Tacloban i Noreg, fortel at ho var i kontakt med ansvarleg for drifta ved barneheimen, Erlend Johannessen, ved 16-tida norsk tid.
Han fortalde at situasjonen framleis er kritisk, og at dei byrjar bli slitne. Det er like før rasjonane av mat og vatn tek slutt, og det går rykte i byen om ein ny tyfon og eit nytt kraftig regnver.
– Rykte fortel også at fangane ved fengsla i byen er på frifot, noko som påverkar tryggleiken vil våre folk i Tacloban, seier Sidsel Bjørnseth.
LES OGSÅ:
Evakuerer sjuke og skadde
Militærfly har evakuert mange frå Tacloban i dag, først og fremst sjuke og skadde. Det har ikkje lukkast Streetlight å få med nokon av nordmennene som har jobba som frivillige på barneheimen med på desse flygingane. Sidsel Bjørnseth seier dei jobbar på spreng for å få det til.
Ho understrekar at dei tre frivillige er på eit trygt hotell med militære vakter utanfor. Bjørnseth fortel at det å få dei frivillige ut har første prioritet, deretter kjem borna på barneheimen og dei tilsette. Ho har tru på at det vil skje i løpet av dei neste par døgna.
LES OGSÅ:
LES OGSÅ:
– Komplisert operasjon
Det er planen å evakuere mellom 80 og 90 menneske. Det er ein komplisert operasjonen, for vegane er stengde. Erlend Johannessen har gjort det klart at dei ser på fleire moglege løysingar.
Tacloban er ein av byane som er hardast ramma av tyfonen som ramma Filippinane sist fredag. Det var ein livleg hamneby før tyfonen la byen i grus. Leger uten grenser seier dei har lokalisert eit sjukehus som framleis er i drift i byen.
Ordføraren i Tacloban seier at så mange som 10.000 menneske kan ha mist livet berre der i byen. Det er uklart kor mange omkomne det er i alt, men det er venta at det vil overstige 10.000. Tacloban er provinshovudstad i Leute.
Plyndring og unntakstilstand
LES OGSÅ:
LES OGSÅ:
Området som er ramma er tilsvarande ei strekning frå Oslo til Roma, og det er til dels tett folkesette område.
Meldingar frå Tacloban fortel om desperate menneske som går på måfå rundt i byen på jakt eller mat og vatn. Det er også rapportert om plyndring fleire stader i byen, sjølv om militæret og politiet har sendt ekstra mannskap til byen.
Presidenten erklærte tidlegare i dag unntakstilstand i området.
LES OGSÅ:
LES OGSÅ: