Foreslår emoji med hijab

Då 15 år gamle Rayouf Alhumedhi og venene hennar lagde ei WhatsApp-gruppe der dei brukte såkalla «emojiar» i staden for namn, innsåg ho mangelen på ein emoji som representerte ho sjølv – med hijab.

Etter å ha lese ein artikkel om emojidesign, skreiv ho til the Unicode Consortium, ein organisasjon som vurderer og godkjenner nye emojiar, og lanserte eit forslag om ein emoji med hijab.

• LES OGSÅ: Vil ha sameflagg som emoji

– Bilete er ein viktig del av kommunikasjonen

– I vår digitale tidsalder, er bilete ein avgjerande del av kommunikasjonen, skreiv ho i idéforslaget, gjengitt av BBC.

15-åringen frå Berlin, som opprinneleg kjem frå Saudi-Arabia, har fått støtte frå ein av grunnleggarane av diskusjonsforumet Reddit, Alexis Ohanian. Om den blir godkjend blir emojien tilgjengeleg i 2017.

– Eg ville ha noko som representerer meg og dei millionane av kvinner som bruker hovudsjalet kvar dag, og som er stolte av å bruke det, seier ho til Washington Post.

– Bør spegle samfunnet

SV-politikar Marian Abdi Hussein seier eit symbolbibliotek med emojiar kan kategorisere verkelegheita på ein måte som virker ekskluderande.

Sjølv bruker ho ikkje teikna i det daglige, men er einig med 15-åringen i Tyskland i at dette handlar om meir enn eit symbol på mobiltelefonen.

– Bilete apellerer til kjensla våre på ei heilt anna måte enn ord, og har ein sterk verknad på korleis vi ser på oss sjølv. Derfor bør teikna i større grad spegle samfunnet enn kva dei gjer no, seier ho.

Spesielt understrekar ho korleis det kan være sårt for barn og unge å ikkje kunne «finne» igjen selv sjølv.

– Det er jo ikkje teknologien som setter grensene for kva ein kan lage, så det er viktig at ein skaper medvit kring desse tema for å få til endring, seier Hussein.

På samme tid legg ho vekt på at ein emoji med hijab også er ei forenkla versjon av virkeligheita, fordi muslimer er meir mangfoldige enn kva symbolet viser.

Emojiar for alle

Også Laial Janet Ayoub ynskjer ideen fra Tyskland velkommen.

Tidligare i august var ho i Dagsrevyen og debatterte mot Bård Vegard Solhjell om kvifor barn bør få lov til å bruke hijab i skolen.

– Alle bør finne noko som passar dem og skildrar dem. Eg synest 15-åringen har funnet på noko viktig, seier Ayoub.

– Det finnast lyse og mørkhudede emjoer, dei med kort hår og dei med langt hår. Det finnast emoji med turban, så det er på tide å få ein med hijab og.

• Les også: – Dette var uvanlig lite vellykket fra Apple
• Les også: – Det ville være en fin anerkjennelse