Pengane skal utbetalast over ein femårsperiode og gjere bot for lidingane elevane vart påførte i internatskulane, heiter det i ei fråsegn frå biskopforeininga CCCB.
Rundt 150.000 barn frå Canadas urbefolkning vart tvinga til å gå på skulane mellom 1831 og 1997. Der vart dei tvinga til å vende sin eigen kultur ryggen og tileigne seg vestleg kultur. Det var minst 130 slike spesielle internatskular i Canada.
Funn av leivningar av 215 barn ved Kamloops Indian Residential School i den canadiske provinsen British Columbia tidlegare i år, vakte sterke kjensler. Biletet er frå ein minneseremoni for barna i Ottawa.
Foto: Justin Tang / APStort sinne
Sinnet har vakse i landet etter at det sidan slutten av mai har vorte avdekt meir enn tusen umerkte graver i nærleiken av tidlegare kostskulane. Fleire kyrkjer har vorte utsett for eldspåsetjingar etter at grava vart oppdaga.
Den canadiske regjeringa har innrømt at fysisk og seksuell vald var utbreidd på skulane, og elevar skal ha vorte fysisk straffa for å snakke morsmåla sine.
Håpar på paven
Biskopane uttrykte fredag ein «djup anger» då dei beklaga til urfolket.
Denne orsakinga har fått delt mottaking frå kanadiske urfolksorganisasjonar. RoseAnne Archibald i foreininga av kanadiske urfolk, Assembly of First Nations, seier ho hadde håpt at biskopane ville invitere paven til Canada slik at han kunne beklage på vegner av den katolske kyrkja.
Urfolksleiar RoseAnne Archibald meiner paven bør komme til Canada og be om orsaking.
Foto: DARRYL DYCK / AP
