Rundt 110 menneske er berga frå den overfylte fiskebåten, som gjekk på eit rev ikkje langt frå Staniel Cay i det sentrale Bahamas. USAs kystvakt deltek i redningsarbeidet saman med miliitæret på Bahamas.
Flyktningane klamra seg til skroget på den 12 meter lange båten då redningsmannskapa kom til staden, heiter det i ei fråsegn frå den amerikanske kystvakta.
Bileta tekne av den amerikanske kystvakta viser menneske som gjer alt dei kan for å klare seg til skroget på skipet, at dei klamrar seg fast til alt som er mogleg å gripe tak i.
Flyktningar frå Haiti, Cuba og andre karibiske land prøver ofte å sigle gjennom Bahamas for å kome til USA, trass i at Miami ligg nesten 100 mil frå den nordlege kysten av Haiti.
Flyktningane prøver så godt dei kan å klamre seg fast i skroget på den havarerte båten.
Foto: HANDOUT / Reuters
