- Sør-Korea gir Nord-Korea skulda

- Sør-Korea vil formelt skulde Nord-Korea for å ha senka eit sørkoreansk marienefarty i mars i år, melder Washington Post.

Cheonan

Korvetten 'Cheonan' vart senka av ein nordkoreansk torpedo, meiner Sør-Korea.

Foto: JO YONG-HAK / Reuters

Den amerikanske avisa siterer amerikanske og austasiatiske diplomatiske kjelder. Sør-Korea skal ha konkluderte med at det var Nord-Korea som stod bak, etter at etterforskarar frå Australia, Storbritannia, Sverige og USA har gjort grundige undersøkingar av skipet.

Washington Post skriv i kveld norsk tid at Sør-Korea offisielt vil leggje skulda på Nord-Korea i løpet av onsdag, og at landet vil be Tryggingsrådet i FN ta opp saka. Sør-Korea vil truleg krevje strengare sanksjonar mot nabolandet.

46 marinegastar vart drepne då det sørkoreanske marinefartøyet gjekk ned etter ein kraftig eksplosjon 26. mars i år.

LES OGSÅ: Kim Jong-il på farta igjen

LES OGSÅ: Lee peker på Nord-Korea

Nordkoreansk torpedo?

Sør-Koreas president Lee Myung-bak.

Sør-Koreas president Lee Myung-bak.

Foto: BLUE HOUSE / Afp

Det har lenge vore spekulert i at det var ein nordkoreansk torpedo som senka skipet, men hittil har ikkje Sør-Korea sagt dette offisielt. Nordkoreanske styresmakter har heile tida nekta for å ha hatt noko med eksplosjonen å gjere.

Korvetten «Cheonan» gjekk ned i eit omstridd område i Gulehavet. Det har fleire gonger vore samanstøytar mellom sørkoreanske og nordkoreanske marinefartøy i dette området.

Den sørkoreanske forsvarsministeren, Kim Tae-young, har tidlegare sagt at dei som står bak drapa på dei sørekoreanske soldatane, skal måtte betale prisen.

- Vi skal ta hemn, same kva form det blir i, sa han blant anna for eit par veker sidan.

LES OGSÅ: Mine eller torpedo trolig årsak til koreansk havari

LES OGSÅ: Tror sørkoreansk skip kan ha blitt torpedert

Samtalar i Kina

Nord-Koreas president Kim Jong-il.

Nord-Koreas president Kim Jong-il.

Foto: KCNA / Reuters

Sør-Koreas president Lee Myung-bak tok truleg saka opp med Kinas president Hu Jintao under eit besøk i Shanghai i slutten av april. Like etter reiste også Nord-Koreas president og sterke mann Kim Jong-il på eit sjeldant besøk til Kina for å møte kinesiske leiarar.

Det er uklart kva som kom ut av samtalane, men observatørar trur begge besøka har noko med senkinga av den sørkoreanske korvetten å gjere.

Sør-Korea kan ha bede om kinesisk støtte om og når dei tek opp saka i Tryggingsrådet i FN.

Det har også vore spekulert i om Sør-Korea har planar om ein militær hemnaksjon mot nabolandet.

LES OGSÅ: Tror sørkoreansk skip kan ha blitt torpedert

SISTE NYTT

Siste nytt