Fleire hundre ungdommar var samla då den antiislamistiske gruppa SIAN arrangerte demonstrasjon på Torvet i Trondheim måndag kveld.
SIAN: Lars Thorsen, leiar for den antiislamistiske gruppa SIAN.
Foto: Rune Nordgård Andreassen / NRK– Det var aggressivt allereie før vi starta, seier Lars Thorsen, som er leiar for SIAN.
Då han heldt appell skapte det sterke reaksjonar hos motdemonstrantane. Dei starta umiddelbart å rope medan dei kasta egg og brød.
– Motdemonstrantane var ikkje her for å ta til motmæle. Det var berre vald som sto på agendaen, meiner Thorsen.
På eit tidspunkt blei politiet pressa opp i eit hjørne og måtte beskytte seg med skjold.
– Demonstrantane kasta stolar og egg på politiet, fortel fleire vitne på staden.
Politiet måtte evakuere demonstrantane
Thorsen, på si side, meiner politiet burde gjort meir for å hindre bråk under demonstrasjonen.
– Vi tenkte at vi skulle la demonstrasjonane få gå sin gong, svarar politiet, som likevel såg seg nøydde til å gripe inn.
KAOS: Fleire gjerder blei rivne ned og fjerna av demonstrantar på Torvet.
Foto: Bjørn Alexander / NRKDemonstrasjonen starta kl. 18 og blei avslutta ein halvtime seinare. Fleire sperregjerder blei rivne ned, stemninga var amper og politiet såg ikkje noko anna moglegheit enn å evakuere personane.
– SIAN-demonstrantar blei frakta bort frå området for å unngå fysiske konfrontasjonar mellom dei og motdemonstrantane, opplyser operasjonsleiar Ebbe Kimo i Trøndelag politidistrikt.
Motdemonstrant: – Rasisme forkledd som religionsskepsis
«Ingen rasister i våre gater» og «Hele Trondheim hater SIAN» var blant slagorda motdemonstrantane aktivt brukte. Motdemonstrantane var mellom anna frå Trondheim Rød Ungdom og Trondheim Sosialistisk Ungdom.
TYDELEG BESKJED: «Ingen rasister i våre gater» var eitt av bodskapa frå motdemonstrantane i Trondheim.
Foto: Ask EbeltoftAlicia Escobar og Ask Ebeltoft var begge til stades under demonstrasjonen.
– Eg kjende ikkje til SIAN før i fjor, seier Escobar.
Då deltok ho også på ein motdemonstrasjon, og var sjokkert over det ho opplevde.
MOTDEMONSTRANTAR: Alicia Escobar og Ask Ebeltoft er tydelege på at rasisme ikkje høyrer heime i Trondheim.
Foto: Bjørn Alexander / NRK– Eg var ikkje førebudd på den rasismen som møtte meg der. Eg er utanlandsk sjølv. Det vart brukt så stygge ord at eg ikkje ynskjer å ta det opp igjen, seier ho.
– Det er rett og slett rasisme forkledd som religionsskepsis, fastslår ho.
– Unødvendig med hærverk
– Vi hadde som hovudintensjon å unngå skade på personar, og det målet nådde vi, seier operasjonsleiar Kimo.
I etterkant av demonstrasjonen meldte politiet om hærverk på ein politibil og fleire knuste vindauge i Hornemansgården.
HÆRVERK: Det blei utført hærverk på ein politibil under SIAN-demonstrasjonen.
Foto: Bjørn Alexander / NRKKimo fortel at politiet var førebudd på bråk, men synest det er totalt unødvendig å øydelegge bygningar og bilar.
– Det vil bli reaksjonar mot enkeltpersonar i etterkant, opplyser politiet til NRK.
Motdemonstrantane som NRK møtte, var glade for at politiet var til stades og passa på.
– Eg er veldig stolt over ungdommen som var med. Vi vågar å seie frå. Vi aksepterer ikkje rasisme i våre gater, fastslår Escobar.