Mannen var aleine ute på arbeid laurdag, og det var naboar som etterlyste han da han ikkje kom heim utpå ettermiddagen og drog ut for å sjå etter han.
Budde og arbeidde åleine
Mannen budde aleine og naboane visste at han dreiv med ved- og tømmerhogst ute i skogen ikkje langt frå heimen.
Dei fann laurdag kveld naboen omkommen. Han hadde drive arbeid i noko bratt og ulendt skogsterreng.
Råka av trefall
Ein eller annan gong i løpet av dagen har han blitt drepen da eit trefall råka han.
Politi i Nord-Trøndelag og brannvesenet i Leksvik drog ut og henta ned mannen laurdag kveld, i 23-tida, opplyser vakthavande ved politiet i Steinkjer, Rune Reinsborg til NRK.
Røynd skogsarbeidar
Den omkomne var småbrukar i Dalbygda i Leksvik, og van med skogsarbeid.
Han hadde slekt i bygda, men den næraste familien bur utanbygds.