Det skriv avisa Opp.
Mannen som budde i huset der no avdøde vart funnen, nekta for at vedkomande vart halden fanga. Han var berre på besøk, går det fram av fengslingskjennelsen 27.oktober.
Varetektsfengsla i to veker
Den sikta i 40-åra vart varetektsfengsla i to veker sikta for kroppsskade, paragraf 273.
Om skadene den fornærma hadde, skriv retten:
«Fornærmede er påført flere skader som hver for seg sannsynligvis ikke kan henføres under straffeloven § 273.
Likevel mener retten at det er mer sannsynlig at summen av disse skadene til sammen utgjør en skade etter straffeloven § 273, enn at de ikke er det. »
Mannen vart send til sjukehus.
Politiadvokat Anette Strøm Røsholdt stadfester overfor Opp at den fornærma mannen døyde for ei drøy veke sidan.
Med bakgrunn i det som skjedde, ser politiet på dette som eit mistenkeleg dødsfall, ifølgje politiadvokaten. Avdøde skal no obduserast.
Etter at sikta slapp ut frå varetekt i midten av november, vart siktinga utvida til grov vald og bortføring basert på etterforskninga.
Sikta i forsvinningssak i fjor
Mannen var også sikta i ei anna sak i fjor. Då galdt det grov kroppsskade med døden til følgje etter at Ronny Melby (46) vart meldt sakna i same området i oktober i fjor.
Melby skal ha budd nokre dagar hos den sikta like før han forsvann.
I fengslingsmøtet nekta sikta for at han hadde noko å gjere med forsvinninga å gjere.
20.oktober vart Melby funnen død i Orkla i Rennebu, like ved der han budde i lag med sikta.
Obduksjonen viste at Melby døydde av drukning og siktinga mot mannen i 40-åra vart fråfallen.
Forsvarer Kjell Myrland seier til Opp at klienten hans er kjend med dødsfallet til mannen. Utover det har forsvararen ingen kommentar.