NRK Meny
Normal

Drog fram kniv i krangel

Politiet fekk kontroll på fire menn etter ein krangel som vart ekstra dramatisk da den eine mannen drog opp ein kniv. Krangelen skjedde ved bensinstasjonen på Heimdal i Trondheim.

Slåsskamp Heimdal

Fire menn var involvert i slåsskampen på Heimdal fredag ettermiddag.

Foto: Morten Andersen / NRK Trøndelag

– Vi fekk ei ganske dramatisk melding klokka 1733, om at det var to menn som truga kvarandre. Den eine hadde kniv, seier operasjonsleiar hos politiet i Sør-Trøndelag, Leif Berglund.

Da politiet kom fram til staden etter sju minutt, viste det seg at fire menn var involverte i krangelen.

Kniven var da lagt i lomma, men kranglinga heldt fram.

– Vi har kontroll på fire personar. Det er snakk om fire unge menn, seier Berglund fredag ettermiddag.

– Det var eit vitne som ringte inn. Vi fekk god skildring av situasjonen og heldt kontakten med vitnet heilt til vi kom fram til staden, seier Berglund.

Ingen vart skadd i hendinga.

– På grunn av den dramatiske meldinga valde vi å ha ambulanse i beredskap, men den vart dimittert, seier operasjonsleiaren.

Slåsskamp på Heimdal

Politiet rykka ut til ein slåsskamp på Heimdal der det vart meldt om at den eine hadde kniv.

Foto: Morten Andersen / NRK Trøndelag

Video fra Trøndelag

Blå himmel og fine forhold- vinterferien er i gang i Trøndelag.
På samenes festdag må den fineste stasen på. Ella (6) og lillebror Jovna gjør seg klar for feiring.
Et rådyr forvillet seg inn på flyplassen på Røros og måtte reddes ut av ansatte på lufthavna.