Drapssikta nektar straffskuld

Mannen som er sikta for å ha drepe Stig Ola Westgård (56) på Lademoen i Trondheim, nektar straffskuld. Den 57 år gamle sikta deltok i dag på fengslingsmøtet på videolink frå institusjonen der han er innlagd. Trøndelag tingrett varetektsfengsla han i fire veker, to i full isolasjon, brev-, besøk- og medieforbod i heile perioden. I varetektstida skal sikta vere på institusjonen. Sikta er enno ikkje avhøyrd.