Helga Pedersen er på veg for å førehandsrøyste i heimkommunen Tana, og kunne ikkje hatt betre nyheiter:
Fargar Finnmark raudt
I ei meiningsmåling NRK Finnmark har gjort saman med Amedia får Arbeidarpartiet over 48 prosent av røystene, dersom det hadde vore stortingsval i morgon.
Arbeidarpartiet tar nesten kvar femte høgrevelgar. Ikkje utan grunn, meiner Pedersen.
– Det handlar om at Høgre for to år sidan lova at Noreg skulle få betre skule, meir eldreomsorg og skattekutt. Høgre i regjering har berre levert på skattekutt, noko veljarane reagerer på, seier Pedersen til NRK.
Ordførarkandidat i motbakke
Hans-Jacob Bønå er ordførarkandidat for Høgre i fylkeshovudstaden Vadsø, og likar ikkje tala frå meiningsmålinga.
– Det er ut til at me har ein jobbe å gjere, seier Bønå.
– Kva skuldast det at Høgre mistar så mange veljarar til Ap?
– Eg veit ikkje. Det har vore mykje fokus i media på sentralisering. Kanskje det har påverka negativt?
Meiner det er lite entusiasme
Blant innbyggjarane i Vadsø merkast regjeringsslitasjen to år etter at Erna Solberg vart statsminister.
– Denne regjeringa har vel ikkje gjort så veldig mykje som har fått opp entusiasmen, seier Rolf Andreassen.
– Det har med heilskapen å gjere. Og kva regjeringa vel å prioritere av ting som er viktig for folk i kvardagen, seier Åse Niemi.
– Lite smart å fjere ekstra barnetrygd
Og Høgres ordførarkandidat i Vadsø innrømmer at det å fjerne ekstra barnetrygd for familiar i Nord-Troms og Finnmark ikkje var eit sjakktrekk for å vinne veljarar i nord.
– Det var lite smart å fjerne den, det vil eg påstå. Eg ser ikkje bort i frå at det er ei medverkande årsak til at tala seg slik ut no, seier Bønå.