Hopp til innhold

VM-symjar svima av i bassenget: – Det var skremmande, eg såg ho ikkje pusta

Artistsymjar Anita Alvarez frå USA vart onsdag redda ut av bassenget etter å ha svima av under solokonkurransen i VM i Budapest. NRKs kommentator stussar over episoden.

Anita Alvarez

SVIMA AV: Her svima Anita Alvarez av.

UNSETJING: Trenaren hoppa ut i vatnet og fekk ho ut av bassenget.

Alvarez

GJEKK BRA: Alvarez skal vere i god form no.

Trenaren Andrea Fuentes såg eleven byrja å søkke mot botnen av bassenget, og tok umiddelbart grep.

Ho stupte uti og fekk amerikanaren til overflata og opp av bassenget.

– Det var skremmande, eg såg at ho ikkje pusta, sa Fuentes til den spanske avisa Marca.

Ifølgje trenaren svima utøvaren av på grunn av all anstrenginga ho hadde lagt inn i programmet.

Heldigvis gjekk det bra med utøvaren, men no er trenaren skaka over den manglande hjelpa i symjehallen under verdsmeisterskapet.

Bad om hjelp

Alvarez fekk legehjelp i symjehallen og skal vere i god form no. Det skriv det amerikanske laget i ein pressemelding. Ho skal bruke torsdagen til kvile, før ho skal konkurrere fredag i friøvinga for lag.

– Ho hadde berre fått vatn i lungene og er ok no, men det kjendest ut som ein heil time før vi kom dit, sa trenar Fuentes, ifølgje AS.

Hungary Swimming Worlds

GJEKK BRA: Anita Alvarez er bevisst og i form.

Foto: AP

Dei utsegna kjem etter at ho sjølv måtte steppe inn og redde utøvaren ut av vatnet.

Ifølgje trenaren, som sjølv har fire OL-medaljar, var det ingen av vaktene i symjehallen som reagerte då Alvarez fekk problem.

– Eg sa at ting ikkje var som det skulle, eg ropte til dei og sa at dei skulle kome seg i vatnet, men dei oppfatta ikkje kva eg sa, eller så forstod dei ikkje, seier trenaren vidare.

Hungary Swimming Worlds

SKAKA: Amerikanske fans reagerte umiddelbart då dei blei vitne til hendinga.

Foto: Anna Szilagyi / AP

Det er visst ikkje første gong Alvarez har svima av i vatnet. Ho skal ha mista bevisstheita under symjerutinen i Barcelona i fjor. Det var fyrste gong det skjedde i konkurranse. Ifølgje mor skal ho ha svima av på trening tidlegare, men ikkje i konkurranse.

Likevel var det ein skremmande oppleving, ifølgje trenaren.

– Ho hadde ein skikkeleg høg puls, og kjeven var lukka. Ho pusta ikkje og det kom vatn ut av munnen hennar. Heldigvis kom ho seg kjapt, seier ho og legg til at dei begge ler av hendinga no.

Overraska over situasjonen

NRKs synkron-kommentator Anniken Skiebe Heiland kan fortelje at ho har vore vitne til slike episodar tidlegare, men at ei endring i regelverket har ført til at det skjer mindre hyppig.

– Det er heilt forferdeleg at slikt skjer. Det har faktisk skjedd nokre få gonger før, men dei har endra sporten for at utøvarane skal sleppe å vere så lenge under vatn. Før var det meir viktig å vere lenge under vatn, seier Heiland til NRK.

– Opererer dei framleis i grenseland av kva som er trygt?

– Ja, det kan jo virke slik, då, når slikt skjer, seier ho.

Skiebe Heiland er særleg overraska over at Alvarez svima av i solokonkurransen.

– I lagkonkurransen kan det skje at utøvarane pressar seg hardare, for viss du stoppar opp i programmet, så øydelegg du for alle. I solokonkurransen kan ein stoppe opp dersom ein kjenner seg uvel, eller kjenner at noko er i ferd med å skje, seier ho, og legg til:

– Så dette hadde eg aldri trudd.

Alvarez har delteke i artistisk symjing under symje-VM, som går føre seg i Ungarns hovudstad Budapest. I 2016 og 2019 blei ho kåra til årets synkronatlet i USA.

Les også: Treningsbassenget ble bombet – hylles av sin norske venn etter bragd

Sim-VM 2017, Dag 8
Sim-VM 2017, Dag 8

Siste nytt

  • Malacia nærmer seg United-overgang

    Nederlandske Tyrell Malacia blir høyst trolig Erik ten Hags første signering som Manchester United-manager. Backen ble mandag avbildet på treningsanlegget.

    Malacia har spilt hele sin profesjonelle karriere i barndomsklubben Feyenoord, der han har gjort sakene sine bra. Ifølge britiske medier blir 22-åringen snart presentert som United-spiller.

    Manchester Evening News og Daily Mail har bilde av nederlenderen på vei til klubbens treningsanlegg. The Athletic hevdet tidligere mandag at Malacia hadde blitt enig med United om de personlige betingelsene. (NTB)

    Albania Soccer Europa Conference League Final
    Foto: Lisi Niesner / AP
  • Gabriel Jesus klar for Arsenal

    Brasil-angriperen Gabriel Jesus forlater Manchester City og slutter seg til ligarival Arsenal. Han er London-lagets tredje forsterkning i sommer.

    Overgangen ble bekreftet av Arsenal mandag. Kjøpssummen er rapportert å være på om lag 45 millioner pund. Det tilsvarer 542 millioner kroner.

    Jesus ble hentet til den lyseblå delen av Manchester i januar 2017, og har siden spilt en viktig rolle for Pep Guardiolas lag. I sesongavslutningen i 2018 scoret han målet som gjorde City historisk da klubben stoppet Premier League-sesongen på 100 poeng.

    Sist sesong ble brasilianeren ofte benyttet på kanten, og han noterte seg til slutt for like mange målgivende pasninger som nettkjenninger. (NTB)

    Gabriel Jesus
    Foto: OLI SCARFF / AFP
  • Filip Ingebrigtsen står over VM

    Filip Ingebrigtsen (29) har trukket seg fra friidretts-VM i Eugene på grunn av en skade i akillesen.

    – Akillesproblemene jeg fikk i forkant av årets Bislett Games gjør at VM går uten meg. Når kroppen endelig fungerer er det kjedelig å bli satt ut av spill på grunn av en skade, sier Ingebrigtsen i en pressemelding.

    Den mellomste av de tre løpebrødrene skulle egentlig deltatt på 1500 meteren i VM sammen med yngstebror, Jakob, og Ferdinand Kvan Edman.

    Nå satser 29-åringen på å bli skadefri til EM i München i august. (NTB)

    Friidrett: Night of higlights 2022 på Bislett stadion
    Foto: Annika Byrde / NTB

Sendeplan

Kl. Program Kanal
Spilleliste med 43 klipp
Sport
Spiller nå
Ski-VM er endelig tilbake på NRK! 01:00
Neste