Hopp til innhold

Etappevinnar må bryte etter bisarr sjampanje-skade

Biniam Girmay (23) leverte ein spurt for historiebøkene – men feiringa gjekk ikkje heilt etter planen. No må han bryte Giro d'Italia.

Giro d'Italia

UHELL: Då Girmay skulle sprette sjampanjen på podiet, gjekk det ikkje heilt etter planen.

Foto: JENNIFER LORENZINI / Reuters

17. mai vart 23-åringen frå Eritrea den første farga afrikanaren til å vinne ein etappe i eit av trevekersritta. No må han stå av resten av rittet, etter å ha vore utsett for eit utruleg uhell i feiringa.

For då Girmay skulle sprette sjampanjen på podiet, gjekk det ikkje heilt etter planen.

Girmay stod med hovudet bøyd over flaska då han skulle opne den, og då spratt korken rett i auget på vinnaren.

Giro d'Italia

HIPP HIPP: Girmay feirar etappesiger på sigerspallen som den første eritrearen i historia.

Foto: JENNIFER LORENZINI / Reuters

Ifølgje Eurosport blei eritrearen først behandla for skaden i ein ambulanse, før han deretter blei frakta til sjukehus. Han måtte derfor stå over pressekonferansen etter sigeren.

– I dag startar eg ikkje løpet, fordi auget mitt treng kvile, seier Girmay i ein video på Twitter-kontoen til laget.

Han takkar lagkameratane for støtta han fekk etter tabben.

– Eg var litt lei meg for det som skjedde med sjampanjen, men då eg kom tilbake frå sjukehuset var alle på laget veldig glade.

Vant spurt

Afrikanaren enda opp i ein intens spurtduell med sykkelsensasjonen Mathieu van der Poel, som har gode resultat i både landevegssykling, sykkelcross og terrengsykling. Tysdag var Girmay fleire hakk betre på oppløpet, i den tiande etappen av Giro d'Italia.

Nederlendaren gav opp lenge før målstreken, sette seg tilbake og viste tommel opp – ein tydeleg hyllest til monsterspurten.

Større kvalitetsstempel finst knapt, seier Eurosports kommentator Theis Magelssen.

VG6xA6Ry8fM

TOMMEL OPP: Mathieu van der Poel gir tommel opp til Biniam Girmay allereie før målstreken.

Foto: JENNIFER LORENZINI / Reuters

Men eritrearen er utruleg nok ikkje den einaste som har hatt eit ublidt møte med sjampanjeflaska under årets Giro.

Allereie på den første etappen opplevde van der Poel nesten det same då han skulle opne flaska. Nederlendaren unngjekk riktignok ansiktet, men fekk korken hardt i halsen.

van der Poel (Giro d'Italia)

SMELL: Van der Poel fekk sjampanjekorken i halsen rett før dette biletet blei teke.

Foto: LUCA BETTINI / AFP

– Ein fabelaktig syklist

Før uhellet blei Girmay hylla for prestasjonen, og fekk kommentatoren til å hente fram store ord.

Det er ein av dei største triumfane i sykkelhistoria, sa kommentator Magelssen idet Girmays siger var i boks.

22-åringen sjølv smilte breitt etter å ha kryssa målstreken som første syklist i Jesi i Sør-Italia.

Kvar dag blir det skriven historie. Eg er utruleg takksam og glad for kva eg har gjort, seier han i eit sigersintervju med arrangøren.

– For ein fabelaktig syklist. Du er så viktig for sykkelsporten, seier Magelssen til Girmay etter spurten.

Girmays lagkamerat Aleksander Kristoff rosar av 22-åringen:

Litt av ein siger. Han er ein klasseryttar og ein ryttar vi kjem til å sjå mykje framover, skriv Kristoff i ein tekstmelding til NRK.

Les også Konkurrentene reagerte kraftig – nå er OL-hemmeligheten bannlyst

Kristian Blummenfelt

VM-sølv i fjor

For dei som ikkje er tettast på internasjonal sykkelsport vart han kanskje best kjent etter ein spinnvill spurt i U23-VM i Belgia i fjor. På oppløpet manøvrerte han seg frå 12.- til 2.-plass i løpet av få sekund, og sikra VM-sølv i U23-klassen.

Dette betyr mykje for meg, nasjonen og Afrika, sa han den gong ifølgje Olympics.com.

Kanskje har vi ei lys framtid og at eg vinn kan gi motivasjon til heile kontinentet, utdjupar han.

I vår vann han også Gent-Wevelgem, ein av vårklassikarane på sykkelkalenderen, og med etappesigeren i Italia tysdag er det nok lite å seie på sykkelinteressa i heimlandet.

Tidlegare på etappen prøvde rittets einaste norske deltakar, Tobias Foss, eit frekt solobrot. Det heldt ikkje, og nordmannen trilla inn til 110.-plass. Juan Pedro López leiar Italia rundt med snaue to veker igjen.

Biniam Girmay

JUBEL: Slik feira Biniam Girmay etappesigeren.

Foto: LUCA BETTINI / AFP

Siste nytt

  • Slik starter England

    Det var knyttet stor forventning til hvilke elleve utvalgte Gareth Southgate ville stille til EM-åpningen mot Serbia søndag kveld.

    Nå har England-sjefen landet på følgende lag:
    Jordan Pickford – Kyle Walker, Marc Guehi, John Stones, Kieran Trippier – Declan Rice, Trent Alexander-Arnold, Jude Bellingham – Bukayo Saka, Harry Kane, Phil Foden.

    Mest oppsiktsvekkende er det at Alexander-Arnold, som spiller høyreback på klubbnivå for Liverpool, er midtbanespiller for landslaget.

    Kampstart mellom England og Serbia er klokken 21:00, og den følger du direkte på NRK Sport radio,

  • TV 2 gikk i svart: – Trolig forårsaket av et lynnedslag

    Midt i 1. omgang mellom Danmark og Slovenia gikk TV 2 i svart.

    Nesten 25 minutter var spilt da bildene ble borte. Etter 50 sekunder ble det sorte bildet erstattet med en plakat med påskriften «straks tilbake».

    – Vi har hatt et strømbrudd i Bergen. Trolig forårsaket av et lynnedslag. Det gjorde at strømmen gikk på Media City som gjorde at vi var nede. I øyeblikket vi fikk tilbake strømmen fikk vi kampen opp, og nå skal visst alt være i orden igjen. Det skal ha vært et lynnedslag som forårsaket det, sier TV 2s kommunikasjonssjef Jan Petter Dahl til NRK.

    Etter drøyt to minutter uten TV-bilder kom kampbildene opp igjen. Danmark ledet 1-0 både før og etter at kanalen gikk i svart, og TV-seerne ble ikke snytt for noen høydepunkter.

    Slik så kampen ut for TV-seeren etter 25 minutter.
    Foto: SKJERMDUMP TV 2
  • Wærenskjold vant Belgia rundt

    Uno X-rytter Søren Wærenskjold hang med helt inn på søndagens siste etappe og tok sammenlagtseieren i Belgia rundt.

    Han endte fire sekunder foran Mathias Vacek i sammendraget.

    – Det har ikke vært lett, hverken i går eller i dag. Dette gir selvtillit, men jeg har gitt alt og kjempet for hvert sekund, sier Wærenskjold i et intervju med arrangøren.

    Nordmannen takket også laget, og sa dette ikke hadde gått uten dem.

    – Det er Uno X' største sammenlagtseier. En perfekt løst sisteetappe, meldte Eurosports kommentator Theis Magelssen da sammenlagtseieren var sikret.

    Nordmannen åpnet rittet med seier på onsdagens tempoetappe. Siden har han beholdt ledertrøya, og han viser form to og en halv uke før Tour de France.

    Tim Merlier vant etappen som hadde både start og mål i Brussel.

    Tour de France 2023
    Foto: Fredrik Varfjell / NTB

Sendeplan

Kl. Program Kanal