NRK Meny
Normal

Trur veslebroren slår hardt tilbake

Johannes Thingnes Bø opplevde ein skiskyttar sitt mareritt torsdag. Storebror Tarjei trur veslebroren vil bruke nedturen for alt det er verdt.

Johannes og Tarjei Bø

Tarjei Bø (t.v.) trur veslebror Johannes Thingnes Bø vil slå tilbake.

Foto: Grøtt, Vegard / NTB scanpix

  • Se kvinnenes 15 kilometer direkte på NRK1 og NRK.no fra klokken 14.10!

– Slike nederlag brukar ikkje påverke oss så mykje, slår Tarjei Bø fast.

Den etter kvart erfarne skiskyttaren tok over for veslebror Johannes Thingnes Bø på stafetten torsdag. Veslebror sine tre strafferundar, etter seks bom på første skyting, gjorde det umogleg for Noreg å hevde seg i Ruhpolding.

Ein knust 20 år gammal Johannes gjekk rakrygga rundt til diverse medium og forklarte seg i etterkant.

Thingnes Bø

Det blei tre svært lange strafferunder på Johannes Thingnes Bø torsdag i Ruhpolding.

Foto: Grøtt, Vegard / NTB scanpix

– Skjøna ingen verdas ting

Til NRK sa han at han rett og slett ikkje veit kva som skjedde.

– Eg budde meg godt til skytinga. Eg pusta godt og låg godt på matta. Så skaut eg fem gode skot midt i og skjøna ingen verdas ting av kvifor eg bomma og kvifor det stod igjen fem blinkar etterpå. Hadde den skytinga blitt gjort på ein pappblink, hadde eg sagt at det var fem treff før eg fekk anvisinga.

Slik forklarte Thingnes Bø sjokket. For han forstod rett og slett ikkje kva som hadde gått gale.

– Det verste er jo at eg ikkje veit kva som faktisk gjekk gale. Etter skytinga var eg sikker på at det var noko feil med blinkane, fortalde 20-åringen.

Men bom blei det, og plutseleg låg Vetle Sjåstad Christiansen – som gjekk ein god tredjeetappe – hakket betre an enn Thingnes Bø i kampen om plassen på OL-laget.

Bø Johannes Thingnes

Johannes Thingnes Bø var langt nede etter stafetten. Storebror trur nedturen vil bli brukt som motivasjon.

Foto: Grøtt, Vegard / NTB scanpix

Har vist at han taklar presset

Tarjei Bø, som er éin av tre sikre kort saman med Ole Einar Bjørndalen og Emil Hegle Svendsen, er klar på at han vil backe veslebroren.

– Men han er sjølv ganske god til å preppe seg sjølv, slår Tarjei fast.

Han meiner det at broren no er i angrepsposisjon er ein fordel.

– Det å vere i angrepsposisjon er vel best for alle utøvarar. Forsvarsposisjon er meir medieskapt, men klart; det handlar mest om forventningar til oss sjølve. Vi stiller høge forventningar, og når vi ikkje innfrir dei så blir vi skuffa.

Tarjei fortel at lista til broren har blitt liggande høgt oppe etter fleire gode resultat.

– Då er bom ... det er mislukka. Slik er det for meg òg, og slik er det for dei fleste på vårt lag, meiner Tarjei.

– Blir det meir nervar når alle ventar at du skal gå eit toppløp?

– Ja, og så gjeld det å takle dei. Men det viser jo Johannes at han taklar i Frankrike på andre dagen, når han etter å ha vunne ikkje ser påverka ut. Stafetten no var eit arbeidsuhell, avsluttar eldstebror Bø, som meiner veslebroren vil slå hardt tilbake.

Johannes Thingnes Bø gikk første etappe av mennenes stafett i Ruhpolding. Kommentatorer: Andreas Stabrun Smith og Ola Lunde.

Siste nytt

  • Fransk proffrytter omkom

    Proffsyklisten Mathieu Riebel (20) mistet livet da han kolliderte med en ambulanse under et etapperitt i Tour de Nouvelle-Caledonie fredag, melder NTB. Ulykken skjedde i en bratt utforkjøring, i høy hastighet.

    Ribel døde momentant.

  • Rønning inn i utøverkommisjon

    Eldar Rønning (35) er valgt til medlem i Den europeiske olympiske komités (EOC) utøverkommisjon. Det ble klart under EOCs utøverforum i Monte Carlo fredag. I en pressemelding sier den tidligere langrennsløperen at han vil rette et spesielt fokus mot studier i kombinasjon med idrett.

    Eldar Rønning
    Foto: Kjartan Haugen / Norges Idrettsforbund

Sendeplan

Kl. Program Kanal