Hopp til innhold

Langrennsløparen vurderte kone og barn for å sleppe å stå fram som homofil

Å kome ut av skapet vil gjere det lettare å nå målet om å bli best i verda, fortel Stian Grastveit. Organisasjonen Fri håper fleire mannlege toppidrettsutøvarar kjem ut av skapet.

Grastveit

– DRA GJERNE EIN VITS: Stian Grastveit ønskjer ikkje at lagkameratane skal slutte å dra homovitsar sjølv om han har stått fram som homofil. – Idrettsmiljøet er maskulint. Det kan bli mykje tulling. Men det skal framleis vere lov å dra ein homovits når eg er til stades, seier Grastveit.

Foto: Henrik Myhr Nielsen

– Om eg skal leve eit greitt liv, og ikkje minst prestere i idretten, så må eg stå fram. Dette var ein av tankane som kanskje skremde meg ut av skapet. Eg var redd for å ikkje få ut potensialet mitt fordi eg ikkje stod fram, fortel Stian Grastveit.

Langrennsløparen som fyller 23 år denne veka stod fram som homofil framfor familie og venner i april. For ein knapp månad sidan gjekk han også offentleg ut på sosiale media og fortalde om legninga si.

Dermed sette han punktum for ein prosess som starta for 10–12 år sidan.

– Fram til no har eg vore heilt sikker på at eg aldri kom til å kome ut av skapet. Eg har hatt tankar i hovudet som har sagt at eg heller vil gå heile livet med kone og barn, fordi det kjennast lettare. Men dei siste par åra har eg forstått at eg ikkje klarer å gjennomføre det, utdjupar Grastveit.

Stian Grastveit

SKILØPAR: Stian Grastveit på trening i 2016.

Foto: Sverre R Glomnes

– Miljøet er raust

Han konkurrerer for Heming og er per no blant dei 30–40 beste langrennsløparane i Noreg. Målet hans er å bli best i verda på sikt.

Før Grastveit offentleggjorde at han er homofil grudde han seg til reaksjonane frå langrennsmiljøet. Frykta viste seg å vere heilt unødvendig.

– Eg har undervurdert folk. Langrennsmiljøet er veldig raust. Det er ikkje mindre rom for homofile i vårt miljø enn andre stader. Problemet ligg hos dei som opplever frykta for å stå fram, meiner Stian Grastveit.

Få står fram

22-åringen var til dømes redd for at lagkameratane ikkje ville bu på rom med han etter at han stod fram som homofil. Også denne frykta viste seg å vere heilt ugrunna.

Leiar i organisasjonen Fri (Foreininga for kjønns- og seksualitetsmangfald), Ingvild Endestad, har ikkje tal på kor mange mannlege toppidrettsutøvarar som har stått fram som homofile, men mange er det ikkje.

– Det er veldig bra at Stian står fram, både for jobben han sjølv skal gjere som langrennsløpar – og for han sjølv som person. Stian slepp å vere bekymra for å bli avslørt, misforstått eller utsett for fordommar. Han kan leve eit fullstendig liv, seier Endestad.

– Viktig med rollemodellar

Stian Grastveit håper at han ved å stå fram som homofil gjer kampen lettare for andre som kjem etter.

– Det hadde vore bra om nokon andre hadde stått fram då eg sjølv var i skapet. Eg trur det sit mange i idrettsmiljøet med dei same tankane som eg hadde. Eg håper dei no får nokon å relatere seg til, seier Grastveit.

Dette håpet deler han med Ingvild Endestad.

– Det er veldig viktig med gode rollemodellar, slik at andre i same situasjon ser at det går heilt fint å stå fram, seier Endestad.

Ingvild Endestad

Ingvild Endestad ber idretten vere bevisst på at dei skal inkludere homofile, lesbiske og transpersonar. – Dette må det jobbast med, meiner Fri-leiaren.

Foto: Foreningen for kjønns- og seksualitetsmangfold

Siste nytt

  • Haaland møter fansen søndag

    Manchester City inviterer søndag supporterar til å møte Erling Braut Haaland og dei andre sommarsigneringane til klubben for første gong.

    Det skjer som ein del av eit show for fansen utanfor Citys stadion. Premier League-meistrane skal presentere fire spelarar, men Haaland blir den mest ettertrakta mannen for dagen.

    Kalvin Phillips, Julián Álvarez og Stefan Ortega Moreno er resten av nysigneringane som blir presenterte søndag. City legg opp til nokre korte intervju på scena før spelarane deler ut signerte drakter til dei frammøtte.

    Manchester City speler den første oppkøyringskampen sin mot mexicanske Club América 21. juli. Det skjer i USA og er venta å bli Haalands debut.

    Haaland
    Foto: mancity.com
  • Jansrud blir gjerne alpinekspert

    Kjetil Jansrud la skiene på hylla etter verdscuputforen på Kvitfjell i mars. Alpinprofilen håpar han kan halde fram å jobbe med idretten i framtida.

    – Det er ingenting som er landa enno, men eg håpar at eg kan vere litt involvert inn mot idretten, der eg kan gjere noko tilsvarande ekspert på TV. Og så er det litt andre ting der folk ønskjer å bruke meg som profil, seier Jansrud til NTB.

    Jansrud avslutta karrieren på heimebane på Kvitfjell med 23 verdenscupsigrar, fem OL-medaljar og tre VM-medaljar etter 18 år som toppalpinist.

    – Eg har sagt at eg etter sommarferien skal ha funne meg ein jobb, seier den tidlegare toppalpinisten.

    y42zuVnROIM
    Foto: Geir Olsen / NTB
  • Nadal kriget seg videre – møter Kyrgios i Wimbledon-semi

    En skadeplaget Rafael Nadal (36) holdt liv i håpet om en etterlengtet Wimbledon-tittel. Han nedkjempet Taylor Fritz i et kvartfinaledrama over fem sett.

    Etter over fire timer sto Nadal igjen som vinner på centercourten i London. På veien måtte han holde smertene i sjakk. Spanjolen gikk seirende ut med sifrene 3-6, 7-5, 3-6, 7-6 (10-4).

    Nadal har sine skavanker. Onsdag slet han med et mageproblem og så skadeskutt ut i andre sett, men det stoppet ham ikke fra å fortsette jakten på sin 23. Grand Slam-tittel.

    Fredag skal han opp mot Nick Kyrgios (27). (NTB)

    Britain Wimbledon Tennis
    Foto: Kirsty Wigglesworth / AP

Sendeplan

Kl. Program Kanal
Spilleliste med 43 klipp
Sport
Spiller nå
Ski-VM er endelig tilbake på NRK! 01:00
Neste