Thingnes Bø mørbanka etter 3000 meter: – Hadde fått grundig juling av Johaug

LILLEHAMMER/OSLO (NRK) Han var verdas klart beste skiskyttar sist sesong, men no er Johannes Thingnes Bø skuffa over formen. Mandag sa kroppen stopp etter 3000 meter.

Johaug og Bø

MØR: Johannes Thingnes Bø kasta seg rett ned i «stjerne» etter målgang. Johaug feira personleg rekord.

Foto: Lise Åserud / NTB SCANPIX / Hans Henrik Bårtvedt / NRK

Mandag ettermiddag sprang Norges beste skiskyttarar 3000 meter testløp. I forkant hadde dei allereie diskutert Johaugs fart, og om dei klarte å halde følge.

Under Impossible Games førre veke leverte Johaug 31:40.69 på 10.000 meter. Det betyr tre minutt og ti sekund per kilometer.

Johannes Thingnes Bø leverte 9.14 på 3000 meter måndag, og heldt dermed eit tempo på litt over 3.04 per kilometer, litt raskare enn Johaug.

– Det skil bare fem sekund. Det er ingen tvil om at han hadde fått grundig juling av Johaug, han hadde ikkje halde den farten i 10.000 meter, seier NRKs friidrettskommentator Jann Post.

Måtte kjølast ned

– Eg synest ikkje han er ein imponerande løpar, men det hadde eg ikkje forventa heller. Eg håpa han skulle springe raskare, men det ser ut som han er eit stykke unna toppforma, seier Post.

Post meiner han har mykje å hente på å disponere løpet. Bø følgde Bjøntegaard i starten, men gjekk tom då han nærma seg målstreken.

– Det hjelper ikkje at han opnar for hardt. Han spring den tyngste måten du kan springe på.

Johannes Thingnes Bø

AVKJØLT: Ein liten skvett hjelpte godt etter målgang.

Foto: Hans Henrik Bårtvedt / NRK

Bø sjølv er einig. Han slit med å finne ut av kvardagen med nyfødde Gustav og husbygging ved sida av livet som toppidrettsutøvar.

– Det er ikkje bra nok, jobben eg har gjort den siste tida. Eg slit med å gjennomføre treninga. Eg kjenner på skuffelsen av ikkje å ha gjort jobben, seier Bø til NRK.

Ein eventuell duell med Johaug hadde neppe gått i favøren hans, spår han.

– Det toget hadde passert meg etter 4 kilometer. Ho trenar godt og fortener all hyllest ho kan få. Det er utruleg bra, seier Bø.

– Ho har verkeleg ofra alt for å få mest ut av talentet. Det er vanskeleg å slå eit talent som også trenar hardast, seier han med eit smil.

Jann Post seier at Johaug trenar langt meir løping, og at det sånn sett ikkje er heilt rettferdig å samanlikne.

– Bø er ingen løpar, han er skiskyttar. Skøyting på ski er nok ikkje det som går best overens med løping. Det som er viktig er å vise framgang på eigne testar, seier Post.

Ei veke unna gullform?

Erlend Bjøntegaard

VANT: Erlend Bjøntegaard var best på dei 3000 meterane på måndag.

Foto: Hans Henrik Bårtvedt / NRK

Johannes Thingnes Bø pleier å trone øvst på resultatlista i langrennstid, men når skia blir bytta ut med joggesko blei han mandag slått av fleire av lagkameratane. Erlend Bjøntegaard klokka inn først på 3000-meteren.

Tarjei Bø måtte stå over løpet med ein strekkskade. Han er likevel ikkje veldig bekymra for veslebroren, som har for vane å ta det piano om sommaren og slå knallhardt tilbake om vinteren.

– Eg har ikkje sett han så mykje i det siste, og det er eit dårleg teikn. Johannes treng at trenaren heng over han. Gi han ei veke, så er han tilbake i gullform, seier Tarjei Bø.

Siste nytt

  • Nytt uhell under Polen rundt

    Under fredagens etappe av Polen rundt skjedde en ny ulykke.

    Syklist Mickael Delage som sykler for Groupama-FDJ kolliderte med et hinder i veien og ble påført store hodeskader.

    Ifølge Sport.pl skal Delage være ved bevissthet.

    Ko4VwkUn_jQ
    Foto: AGENCJA GAZETA
  • Espen Olsen ferdig i HamKam

    Espen Olsen er ferdig som trener for HamKam, som ligger helt sist i 1. divisjon etter sju runder. Han fortsetter som sportssjef.

    HamKam har plukket skuffende få poeng i sesongstarten, og står med fem tap og to uavgjorte kamper så langt. Det får nå konsekvenser for trenerteamet, opplyser klubben på sitt nettsted.

    Espen Olsen går av som hovedtrener og vil rendyrke sin rolle som sportssjef i en 100 prosent stilling. (NTB)

    z1pj9-0v0bo
    Foto: Fredrik Hagen
  • Storkamp i sesongopninga

    Chelsea, med Maren Mjelde, Maria Thorisdottir og Guro Reiten i stallen, sesongopnar med bortekamp mot Manchester United komande sesong. Trioen var med på å vinne serien førre sesong, og oppgåva med å forsvare tittelen startar etter planen 6. september.

    Denne runda får vi også ein norsk duell når Tottenham og Aurora Mikalsen møter London-rival West Ham og Cecilie Redisch Kvamme.

    For Amalie Eikeland og Kristine Leine i Reading ventar det ein heimekamp mot Arsenal i sesongens første kamp, medan Cecilie Fiskerstrand og hennar Brighton møter Birmingham. Noregs nyaste englandsproff, Ingrid Moe Wold, kan få sin debut for Everton, når dei møter Bristol City i sesongopninga.

    Fran Kirby og Maria Thorirsdottir
    Foto: PAUL CHILDS / Reuters

Sendeplan

Kl. Program Kanal