Hopp til innhold

Startnektane gjorde Østberg sint: – Kjentest veldig, veldig, veldig bortkasta

Dei næraste støttespelarane hennar var dei same som bestemde at ho ikkje fekk lov til å gjere jobben sin. Ingvild Flugstad Østberg innrømmer at det har vore krevjande.

Ingvild Flugstad Østberg

SMILER IGJEN: Ingvild Flugstad Østberg har endeleg grunn til å vere glad, etter år med motgang og frustrasjon.

Foto: Anders Skjerdingstad / NRK

Fem medaljar på fem løp. Det var utbytte sist ho gjekk meisterskap. Sånn sett ville det vore naturleg å proklamere Ingvild Flugstad Østberg som medaljekandidat på alt i Planica.

Men når VM for hennar del i år startar med 15 km skiatlon laurdag, er det fire år sidan dei fem medaljane i Seefeld. To meisterskap, eit VM og eit OL, blei borte for 32-åringen frå Gjøvik.

gQuBca8BfSQ

STORFANGST: Sist Østberg gjekk meisterskap, blei det medalje i alle renn.

Foto: Terje Pedersen / NTB

Då verdseliten, inkludert hennar eigne lagvenninner, kjempa om medaljar i Oberstdorf og Beijing, hadde ho ikkje lov til å konkurrere. Ingvild Flugstad Østberg sleit med balansen mellom trening og eting, og innfridde rett og slett ikkje krava til den obligatoriske helseattesten som blir nytta i norsk langrenn.

– For eit år sidan var eg ganske langt frå å sitje her no, og det har vore langt frå sjølvsagt at eg skulle vere her eg er no. Eg visste jo liksom ikkje om eg skulle klare det igjen. Så det har vore veldig spesielt, seier Østberg.

Trøyttleiksbrot

Det var på Beitostølen i november 2019 ho først fortalde om startnekten. Ho kom tilbake i konkurranse den sesongen, men i mars 2020 måtte ho igjen kalle inn media til pressekonferanse. Østberg hadde pådrege seg eit trøyttleiksbrot, ein klar indikasjon på at problema ikkje var under kontroll.

Ingvild Flugstad Østberg ved Mjøsa hvor foreldrene har hytte. Sparker litt ball og snakker om skaden sin. Foto: Eskil Wie Furunes / NRK

TRØYTTLEIKSBROT: Sommaren 2020 bestod i alternativ trening med skjene på venstrebeinet.

Foto: Eskil Wie Furunes / NRK

Seinare same år skulle det dukke opp eit nytt trøyttleiksbrot. At Oberstdorf-VM i 2021 kom til å ryke, låg allereie då i korta.

Men fram mot OL i Beijing, kjende Østberg at ho verkeleg tok tak i problema. At ho likevel ikkje klarte å innfri krava til helseattest, var brutalt å akseptere.

All jobben du har lagt ned kjennest veldig, veldig, veldig, veldig bortkasta. Og det er vondt. Du har gjort alt ditt beste for å gå fortast mogleg på ski, for å representere Noreg, for å ha det gøy saman med lagvenninner og andre, og så får du på ein måte han i fleisen, så då er det sånn ..., seier Østberg, og lèt det henge i lufta.

Då var det liksom berre å telje til ti – og meir enn det, for å seie det sånn. Eg har vore veldig nedfor, men eg har liksom ikkje – trur eg – gått heilt sånn i ... Eg har ikkje gått heilt i svart, liksom. Og eg har klart å halde hovudet over vatnet og ha det bra med folka rundt.

Frustrasjon

Og apropos «folka rundt». Eit av dei store dilemmaa har vore at dei næraste, dei som har prøvd å hjelpe henne, òg er dei som har nekta henne å gå skirenn.

Det der er jo ein vanskeleg situasjon både for meg og dei. Dei påpeikar jo – og eg kjenner – at dei ønsker mitt beste, og så samtidig skal jo dei fortelje deg at «nei, du får ikkje gjere det du har mest lyst på, det du har jobba så inderleg hardt for å få til.» Så det har vore litt krevjande til tider, erkjenner Østberg.

Har du nokon gong blitt sint på nokon for at nokon har sagt nei?

Ja ... Det er på ein måte ein sjølv ein er mest sint på, men så går det jo ut over ein bodbringar eller ein som tek ei avgjerd, utan at eg har vore usamd. Eller usamd, kva skal eg seie ... Eg har jo uttrykt frustrasjon, noko anna hadde kanskje vore rart.

Kvifor har du orka?

Det har både eg og andre spurt meg om mange gonger òg, og kanskje spesielt dei rundt som berre «fytti rakker'n, eg skjønner ikkje at du har gidda og orka å gjere alt det du har gjort og ikkje visst om du i det heile fekk gå skirenn», seier Østberg.

Tullete motivasjon

Men lysta til å vere skiløpar har ikkje drukna.

Viss motivasjonen ikkje hadde vore der, då hadde eg jo ikkje gjort alt eg har gjort heller, så han har jo vore tullete til stades.

HyS12M4J5kY

DUKKAR OPP IGJEN: Fire år etter førre meisterskap, er Østberg endeleg tilbake.

Foto: Terje Pedersen / NTB

No er altså Ingvild Flugstad Østberg i VM igjen. Og med resultatserien 2-4-4-3 i dei siste verdscuprenna ho gjekk før VM, har ho alle høve til å halde fram medaljerekkja der ho slapp i Seefeld for fire år sidan.

Å vere tilbake er ein siger i seg sjølv. Men sjølvsagt håpar Østberg å kjempe om medaljar.

Samtidig som det ikkje er ein medalje som definerer om VM har vore vellykka for min del. Og sånn som eg ser det no, sånn heilt oppriktig, så vil ein medalje vere veldig bonus. Eg er veldig stolt av at eg har klart å komme meg dit eg er no, så det vil faktisk kjennast som det.

Laurdag går Ingvild Flugstad Østberg 15 km skiatlon saman med Silje Theodorsen, Anne Kjersti Kalvå og Astrid Øyre Slind.

Siste nytt

  • Dansk tennisstjerne tviler på OL-spill

    Holger Rune er i real tidsnød i kampen for å rekke OL i Paris. Bare én uke før turneringsstart skaper håndleddet trøbbel for dansken.

    Det opplyser mor og manager Aneke Rune til danske Ritzau.

    – Det ser dessverre ikke lovende ut etter den første medisinske skanningen av håndleddet. Vi venter likevel på to leger med ekspertise på tennis. De skal gi en «second opinion», skriver hun i en melding til nyhetsbyrået.

    Holger Rune måtte fredag trekke seg fra ATP-turneringen i Hamburg på grunn av trøbbel med kneet. Det er imidlertid håndleddet som er den største utfordringen.

    Etter planen skal den danske tennisyndlingen spille ATP 250-turneringen i kroatiske Umag denne uken. (NTB)

    Germany Tennis Hamburg
    Foto: Frank Molter / AP
  • Ruud klatrer én plass på ATP-rankingen tross Båstad-fiasko

    Norske Casper Ruud passerer Andrey Rublev og klatrer fra 9.- til 8.-plass på ATP-rankingen i tennis. Italienske Jannik Sinner forblir verdensener.

    Det kommer fram av den ferske oppdateringen mandag.

    Ruud slet stort på grusen i svenske Båstad, og nordmannen røk ut allerede i 2. runde mot brasilianeren Thiago Monteiro. Fjorårets vinner Rublev hadde imidlertid flere poeng å forsvare, og russeren faller dermed til 9.-plass.

    I toppen av ATP-rankingen troner Sinner fortsatt øverst. Han følges av Novak Djokovic og Carlos Alcaraz, mens Alexander Zverev, Daniil Medvedev og Alex de Minaur utgjør resten av topp seks.

    Fredag kveld ble det kjent at Ruud står over denne ukens turnering i østerrikske Kitzbühel. Dermed er OL i Paris neste på programmet for 25-åringen, som de seneste årene har levert svært solid på rødgrusen i den franske hovedstaden. (NTB)

    Tennis
    Foto: Adam Ihse/TT / NTB
  • Ofkir tilbake til Eliteserien - klar for HamKam

    Mohamed Ofkir er tilbake i Eliteserien og skal spille for HamKam på lån ut sesongen.

    Det opplyser Hamar-klubben. I avtalen ligger det en opsjon på å kjøpe Ofkir fri fra Vålerenga.

    Angrepsspilleren er spilleklar til HamKams neste kamp mot Viking 4. august. Det er samme dag som Ofkir fyller 28 år.

    – Det som skjer i HamKam nå, virker veldig spennende. Jeg har hatt mange gode samtaler med Jakob Michelsen og kjenner personer i klubben som har snakket veldig varmt om satsingen på Hamar, sier Ofkir i en uttalelse.

    Han har tidligere spilt for Lillestrøm, belgiske Lokeren, Sandefjord, Sarpsborg, Vålerenga og tyrkiske Manisa. Hos sistnevnte var han på utlån.

    (NTB)

    Ofkir
    Foto: NTB

Sendeplan

Kl. Program Kanal