Slik skal Kristoff unngå nye spurtblemmer i Touren

Team Kristoff stoler ikkje lenger blindt på opplysningane dei får frå arrangøren. Derfor har dei spesial-undersøkt løypene i Frankrike før årets Tour de France.

Kristoff

SKAL FORHINDRE DETTE: Nederlag for Alexander Kristoff mot ryttarar som André Greipel.

Foto: ERIC FEFERBERG / Afp

– Krafttapet ein har under Tour de France er enormt. Derfor kan vi ikkje kaste bort krefter på avslutningar som viser seg å vere verdilause, seier trenar Stein Ørn.

I fjor ga Alexander Kristoff alt i to Tour de France-spurtar han eigentleg var sjanselaus på å vinne.

Etappane var for bratte på slutten, men det visste ikkje Kristoff fordi det i utgangspunktet var vanskeleg å sjå på løypeprofilen frå arrangøren.

Ørn meiner dette også øydela for sjansane på påfølgande, paddeflate etappar fordi Kristoff då var svekka.

– Vi baserte oss på informasjon frå arrangøren. Den var ikkje nøyaktig nok. Denne fella skal vi unngå i år.

Har reist rundt og tatt bilder av løypa

I år har trenar Ørn og Katusja henta inn informasjonen sjølv. Arbeidet har vore omfattande.

Når NRK møter Ørn viser han fram meir grundige analyser av etappane som ifølge arrangøren kan vere potensielle Kristoff-etappar.

Dokumenta på laptopen inneheld bilete av avslutningane. Kvar sving og bakke er undersøkt med hjelp av Google Maps.

Men kun dette er ikkje nok.

– Maksimalgradient på spurtprofilane er vanskeleg å oppdage på Google Maps. Derfor har vi sett av folk til å reise rundt og ta bilder av løypa for å forsikre oss, seier Ørn.

Etter fleire spurtblemmer i fjorårets Tour de France stoler ikkje Alexander Kristoff på arrangørens løypeinformasjon.
For å unngå fleire ubehagelege overraskingar har laget tatt grep.

VIDEO: Ein stoler ikkje på nokon andre enn seg sjølv i jakta på Tour de France-sigrar.

– Blei overraska

Blemmer på etappar som fjorårets 13. etappe skal ikkje skje igjen.

– Eg blei overraska over den, for på profilen såg innspurten bare ut som ein liten dump, seier Kristoff.

Då han fekk ein reell sjanse på 15. etappe blei han slått av André Greipel.

– Feilen frå 13. etappe blei ein følgefeil. Alexander kunne ha vunne den spurten, men hadde mista litt av trøkket i beina etter førre forsøk, som også var på ein svært varm dag.

Alt kan ikkje analyserast

No er Kristoff langt tryggare på løypene, men likevel ikkje hundre prosent sikker på alt han møter.

– Eg har ei klar oppfatning av kor store vegane er, kor svingane går og sånn, men eg får ikkje sett korleis barrierene er. Det kan jo forandre vegen litt. Kor mykje av vegen dei tar vekk for å lage barrierer for publikum, seier han.

Siste nytt

  • Marerittkveld for PSG

    PSG-spillerne Neymar og Kylian Mbappé måtte begge gå av banen med skade for henholdsvis Brasil og Frankrike i kveldens landskamper. Neymar tuslet av banen etter 8 minutter mot Kamerun, mens Mbappé gikk av før pause mot Uruguay.

    Neymar
    Foto: Frank Augstein / AP
  • Sverige rykket opp

    Sverige måtte slå Russland i den siste nasjonsligakampen for å vinne gruppen, og også rykke opp til øverste nivå. Victor Lindelöf sendte svenskene i føringen tidlig, og Marcus Berg punkterte kampen i 2. omgang. Dermed rykker Sverige opp.

    WEB_SPORT
    Foto: Jonas Ekströmer/tt / NTB scanpix
  • Serbia trolig Norges motstander

    Skottland sørget med seier over Israel for at de er beste gruppevinner i C-divisjonen i nasjonsligaen. Norge er da nummer to, og møter 3.-rangerte Serbia til omspill om EM-plass, med mindre de tar seg videre gjennom den vanlige EM-kvalifiseringen.

    UEFA Nations League - League C - Group 4 - Serbia v Lithuania
    Foto: Marko Djurica / Reuters

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Line med sjakkekspertene
VM sjakk: Parti 9: Magnus Carlsen - Fabiano Caruana
VM sjakk: Parti 9 Magnus Carlsen - Fabiano Caruana