Skipresidenten vil ha full medisingransking: – Ikkje bra for norsk idrett

Skipresident Erik Røste og langrennskomiteens leiar Torbjørn Skogstad vil ha ein grundig gjennomgang av det norske skilandslagets medisinbruk.

Røste

GJENNOMGANG: Skipresident Erik Røste lovar å skaffe full oversikt over all medisinbruk i det norske landslaget

Foto: Nesvold, Jon Olav / NTB scanpix

Det er langrennskomiteen som skal gjennomføre jobben og få fram denne oversikta.

Det skriv Norges skiforbund i ei pressemelding fredag morgon. Bakgrunnen er det som har kome fram dei siste dagane om bruk av astmamedisin blant langrennsløparane. Dei skal starte arbeidet på sitt møte måndag, opplyser Røste til NRK.

– Det er ikkje bra for norsk langrenn, ikkje bra for norsk skisport, og truleg heller ikkje bra for norsk idrett at det blir sett spørsmålsteikn ved våre rutiner og praksis.

– Eg legg til grunn at ingen friske utøvarar får medisin, og det reknar eg med at denne granskinga også vil vise, seier han.

I ein reportasje i TV2 sin reportasje tidlegare denne veka sa fleire ikkje namngitte langrennsløparar at dei sist sesong hadde fått tilbod om astmamedisin sjølv om dei var friske.

Massiv kritikk

Dette har vekt oppsikt og hausta massiv kritikk både her i landet og i utanlandske skimiljø. Og det er dette skipresident Erik Røste no vil ha på bordet.

Han vil ikkje spekulere i om det som har kome fram, er sant.

– Eg har ikkje teke stilling til det. Det er framsett påstandar om det, og det må vi ta som utgangspunkt. Vi må få opplysningane på bordet og kartlagt kva som er realiteten. Det er viktig for den tilliten vi er heilt avhengig av hos det norske folk.

– Du kjenner ikkje til tilfelle der friske har fått tilbod om slik medisin?

– Eg er ikkje ein del av det medisinske teamet. Men eg registrerer at det blir stilt spørsmål ved den praksisen som har vore i norsk langrenn.

Røste er klar på kva som må skje dersom det viser seg at det kjem fram opplysningar om at det foregår ureglementær medisinbruk.

– Då må vi definitivt endre praksis. Men det må vi kome tilbake til når vi får konklusjonen.

– Omdømmet blir utfordra

– Som øvste tillitsvalde er eg ansvarleg for å klarlegge dei situasjonane der forbundets omdømme blir utfordra. Det registrerer eg er tilfellet i denne saka, seier Røste i pressemeldinga.

- Jeg legger til grunn at ingen friske utøvere får medisiner, og har ingen grunn til å tro at det ikke er slik. Men når det er fremsatt påstander om dette, er det behov for at spørsmålet avklares åpent og tydelig.

Erik Røste, skipresident

Han har ikkje opplysningar som tyder på – eller grunn til å tru – at friske skiløparar har fått medisin, men meiner likevel det må bli klart kva som skjer.

Han ber også langrennskomiteen stå for gjennomgangen.

– Skulle det mot formodning vise seg at dte finst ein uheldig praksis, er alle tent med at dette kjem fram og blir handtert på ein god måte, seier Røste.

Siste nytt

  • Ingen hockeystreik

    Etter forhandlinger hos riksmekleren mandag er det klart at det ikke blir noen hockeystreik. LO-forbundet, NISO og NHO Idrett/Abelia har kommet til enighet. Konflikten gjelder minstelønn til utøvere med proffkontrakt i ishockey og håndball. – På vegne av våre utøvere og medlemmer er vi veldig godt fornøyd med resultatet, sier NISOs forbundsleder, Joachim Walltin til NTB.

    Storhamar
    Foto: Geir Olsen / NTB scanpix
  • Zlatan årets angriper i Sverige

    For 13. gang ble Zlatan Ibrahimovic kåret til årets angriper i svensk fotball.

    37-åringen fikk prisen på den svenske fotballgallaen mandag, men var ikke fornøyd med antallet priser han har skaffet seg.

    Zlatan
    Foto: Christine Olsson/TT / NTB scanpix

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
VM sjakk: Parti 4: Magnus Carlsen - Fabiano Caruana
Sport i dag: VM sjakk 2018
VM sjakk: Parti 4 Magnus Carlsen - Fabiano Caruana