Ruud må trene på feil underlag før Wimbledon

Casper Ruud har ingen grasbaner å trene på i Norge. No blir han nøydd til å trene på «hardcourt» før grasturneringa i Wimbledon.

Casper Ruud

Ferie: Casper Ruud tek no litt ferie før oppladinga til Wimbledon begynner.

Foto: Heiko Junge / NTB scanpix

Nordmannen imponerte stort på grusen i French Open. No er han klar for neste høgdepunkt, Wimbledon, som begynner 1. juli.

– Det blir ingen turneringar før Wimbledon. No skal eg ha ei veke ferie, før eg begynner å trene mot Wimbledon, seier Ruud til NRK.

Wimbledon er den einaste Grand slam-turneringa som spelast på gras, noko som gir gruspesialisten ei utfordring.

– Det er ikkje lett å trene på gras her i Norge, for me har jo ingen grasbanar, seier Ruud.

Casper Ruud

BEST PÅ GRUS: Casper Ruud er mest komfortabel med å spele på grus.

Foto: Berit Roald / NTB scanpix

– Eg får trene på «hardcourt» her i Norge, det er nok det nærmaste me kjem, legg han til Ruud.

På grus går ballen saktare enn på grasbanane. «Hardcourt» blir sett på som noko midt i mellom grus og gras når det kjem til hastigheit og sprett på ballen.

– Hadde betra sjansane hans

Christer Francke er tenniskommentator for Eurosport, og han meiner at Ruud ikkje får ein optimal opplading til Wimbledon.

– Dei fleste som skal til Wimbledon spelar nokre grasturneringar no før Wimbledon. Så dette er ikkje heilt ideelt for Casper. Hadde han fått trent på gras etter French Open, i staden for å spele ny grusturnering, så hadde nok det vore betre for sjansane i Wimbledon, seier Francke

Tenniskommentatoren skjønnar likevel prioriteringa til 20-åringen, som nyleg spelte seg til semifinale i Challenger-turneringa i Tsjekkia.

– Han er mykje betre på grus, så han har nok prioritert å spele på grus for å få mest mogleg poeng på rankinga. Han skal spele på grus rett etter Wimbledon. Da kjem det nokre turneringar han kan ha ein god sjanse til å få ein del poeng.

I fjor rauk han ut i fyrste kvalifiseringsrunde til prestisjeturneringa. Denne gongen er bæringen direkte kvalifisert til hovudrunden.

– Eg drar over til London fire-fem dagar før det startar. Det blir veldig spennande å spele på gras, fortel Ruud, som no tek ei veke ferie.

Låge skuldrer og rak rygg

Til den prestisjetunge turneringa i Wimbledon har ikkje nordmannen, som no ligg på 59.-plass på verdsrankinga, store forventningar.

– Eg har ikkje dei største ambisjonane, men eg kjem med senka skuldrer og rak rygg, og eg kan kanskje vinne nokre kampar. Ballen er jo rund, seier han med eit smil om munnen.

Siste nytt

  • Bale tilbake med scoring

    Gareth Bale var tilbake på Real Madrids lag og scora i 2-2-kampen i Washington i natt. Arsenal leia 2-0 ved pause. Reals Nacho og Arsenals Papastathopoulos blei utviste i første omgang, begge etter to gule kort.

    Real vann straffekonkurransen 3-2, og der bomma Bale.

    Gareth Bale
    Foto: Andrew Caballero-reynolds / AFP
  • Alle norske slått ut

    Ingen nordmenn tok seg vidare frå forsøka i VM i natt. Ingeborg Vassbakk Løyning blei nr 23 på 50 m bryst med 28,67, Niksa Stojkovski nr 35 på 100 m bryst, og Tomoe Hvas blei diska på 200 m medley.

    Pressetreff med VM-troppen i svømming
    Foto: Fredrik Hagen / NTB scanpix

Sendeplan

Kl. Program Kanal