Skiskyting: Russland degradert - men løparane får konkurrere

Det internasjonale skiskyttarforbundet har degradert Russlands skiskyttarforbund inntil vidare. Men det får berre konsekvensar for russisk status på Kongressen.

Anders Besseberg

DEGRADERT: Russland skal ikkje lenger ha fulle rettar til medbestemmelse i IBU, vedtok styret i dag

Foto: Anders Rove Bentsen / NRK

Det betyr at Russland ikkje får noko dei skulle ha sagt i IBU-organisasjonen. Men rusisske utøvarar får delta i konkurransar som før, og verdscupavslutninga skal gå i Tjumen som planlagt.

IBU-president Anders Besseberg kunngjorde styrevedtaket på ein pressekonferanse etter konkurransane i Hochfilzen i ettermiddag.

Bakgrunnen er IOCs utestenging av Russland etter Schmid-rapporten om dopingskandalane i Sotsji i 2014. Også IBU vil la russarar utan noko form for doping-historie delta i konkurransar.

– Vi har degradert Russlands medlemskap til provisorisk. Det inneber at dei kan ikkje stemme, fremje forslag eller stille kandidatar på Kongressen, seier Besseberg.

I mellomtida må Russland følgje opp krav om betre antidopingarbeid. IBU vil vurdere utestenginga på eit seinare tidspunkt, men uansett ikkje før etter denne sesongen.

– Dei må etterleve det vi har sett som kriterium.

Russland kan heller ikkje tildelast nye IBU-arrangement så lenge medlemskapet er provisorisk.

Får behalde v-cupen

Men verdscupavslutninga i Tjumen skal gå som planlagt i mars.

– Det er eit arrangement som er tildelt tidlegare, og som ikkje har noko med denne saka å gjere. Vi kan ta det tilbake, men har ingen grunnlag for det no.

– Er ikkje jukset i Sotsji grunn god nok?

– Nei. Det er liten tvil om at det har foregått ting mellom dopinglaboratoriet i Moskva og styresmaktene. Men det er ingenting som indikerer at skiskyttarforbundet der har vore involvert.

– Skiskyttarpreisdent Kravtsov har vore involvert, blir det hevda?

– Det er eit utsegn, men ikkje bevist.

Møte med IOC torsdag

IBU-styret hadde eit møte med utøvarane like før pressekonferansen.

– Det var eit greitt møte. Men det overraska meg at det ikkje var den heilt store interessa, eg hadde venta mange fleire.

Vinteridrettsforbunda og WADA skal møte IOC i Lausanne torsdag. – Då håpar eg vi får nye bevis. Vi har fått Schmid-rapporten og vitnemåla i den, seier Besseberg.

Han fortel også at fleire skiskyttarar er under gransking, men vil ikkje nemne namn.

Siste nytt

  • Brøt LA Galaxys seiersrekke

    Etter fem strake seire for Jørgen Skjelvik og Zlatan Ibrahimovics LA Galaxy ble det kun 0-0 borte mot Minnesota United. Adama Diomande og Los Angeles FC topper Western Conference tre poeng foran Skjelvik & Co., men har én kamp mer spilt.

    skjelvik
    Foto: Brace Hemmelgarn / Reuters
  • Cupfinale på Bayern München

    Bayern München er klar for finale i den tyske cupen etter å ha vunnet 3-2 borte mot Werder Bremen i onsdagens semifinale. To mål av Robert Lewandowski og ett av Thomas Müller sørget for finalebilletten. De møter dermed Leipzig i cupfinalen 25. mai.

    Germany Soccer Cup
    Foto: Martin Meissner / AP
  • Wolverhampton ga Arsenal bank

    Arsenals håp om en topp fire-plassering ble enda mindre da de tapte 1-3 borte mot Wolverhampton onsdag. Det var første gang Arsenal tapte for Wolverhampton siden 1979. Når tre serierunder gjenstår ligger Arsenal på 5.-plass, ett poeng bak Chelsea.

    Britain Soccer Premier League
    Foto: Rui Vieira / AP

Sendeplan

Kl. Program Kanal