NRK Meny
Normal

Sjarapovas comeback skaper reaksjonar: – Eit moralsk dilemma

Først 15. mai får Maria Sjarapova vite om ho får delta i French Open. I neste veke har ho sona dopingstraffa.

Maria Sjarapova

SUKSESS: Maria Sjarapova i aksjon i Stuttgart i 2013. Ho vann turneringa tre år på rad, og har berre tapt ein kamp i den tyske turneringa nokosinne. Men denne gongen skaper deltakinga hennar reaksjonar

Foto: MICHAEL DALDER / Reuters

Og reaksjonane på måten den dopingdømde russaren kjem tilbake til tennissirkuset på, har provosert fleire i tennismiljøet.

I januar i fjor blei den russiske tennisstjerna tatt for bruk av det ulovlege stoffet meldonium. Ho blei utestengd i to år, ei straff som seinare blei redusert til 15 månader.

Moralsk dilemma

Det betyr at ho får lov å konkurrere onsdag 26. april, i neste veke. Då går ho rett inn i eit WTA-turnering i Stuttgart. Deretter ventar turneringar i Madrid og Roma.

Men det er ikkje sikkert at ho får delta i Roland Garros, årets andre grand slam-turnering, som opnar i Paris 28. mai. Der må ho i så fall få wild card. Det får ho ikkje vite før 15. mai.

– Vi står overfor eit moralsk dilemma, vedgjekk Frankrikes tennispresident Bernard Giudicelli nyleg.

Han gav signal om at han er imot Sjarapovas deltaking.

– Vi arrangerer ei grand slam-turnering, ikkje ei casting.

Dersom ho ikkje får vere med, mister turneringa i Paris to sterke namn. Serena Williams tek pause på grunn av graviditet.

Går midt inn i ei turnering

Men 26. april, den dagen ho har sona dopingstraffa, får ho hoppe midt inn i ei WTA-turnering.

Det er dag 3 av turneringa i Stuttgart, der Sjarapova har fått wild card.

Ikkje berre det: Ho får lov å hoppe inn i programmet den dagen, sjølv utan å ha spela dei første dagane.

Det har ikkje berre falle i god jord.

Sjarapova er sponsa av Porsche, som også er hovudsponsor for turneringa i Stuttgart. Ho vann turneringa tre år på rad frå 2012 til 2014.

Kritikk

Det er også Angelique Kerber. Ho er likevel kritisk til Sjarapovas deltaking.

– Det er litt rart at ho berre kan kome og hoppe rett inn i turneringa midt i veka, seier Kerber. – Det er ei tysk turnering, og vi har mange gode tyske spelarar.

– Det er respektlaust overfor andre deltakarar, seier danske Caroline Wozniacki.

– Ho burde ha spela seg tilbake, seier skotske Andy Murray til The Times. For etter å ha vore ute eit år, har ikkje Sjarapova rankingpoeng.

Sjarapova sjølv tek lett på kritikken. – Det er det eg tenkjer minst på, seier ho til magasinet Stern.

Turneringsdirektør Markus Gunthardt forsvarar avgjerda.

– Ho har vunne tre gonger før, og fortener ein plass i turneringa, seier han. – Det har hendt før at ein spelar har kome inn i turneringa på ein onsdag.

Han avviser alle påstandar om at ho skal vere med for å få selt fleire billettar. – Vi har hatt fulle hus år ut og år inn uansett, seier han.

Siste nytt

  • Topptrioen vann i 1. div.

    Alle fire topplaga vann i 1. divisjon søndag, og AaFK leier med fire poeng på Sogndal og Mjøndalen. I botnen passerte Florø Strømmen.

    Resultat: HamKam - Sogndal 1-3, Florø - Jerv 3-2, Levanger - Mjøndalen 0-4, Notodden - Kongsvinger 1-2, Sandnes Ulf - Aalesund 1-2, Strømmen - Tromsdalen 1-3, Åsane - Ull/Kisa 1-5.

  • Svenskene beskyldt for spionasje

    En svensk trener ble kastet ut av stadion da han fulgte Sør-Korea under deres VM-treningsleir i Østerrike. Nå beskyldes Sverige for urent spill og spionasje.

    Den svenske landslagssjefen Janne Andersson sier at en i trenerapparatet skulle følge sørkoreanernes trening, men at han ikke var klar over at treningen var lukket.

    – Treneren forlot stadion da han ble bedt om å gå, men fulgte treningen fra litt lenger distanse, sier svensken, ifølge AP.

    Janne Andersson
    Foto: Dimitar Dilkoff / AFP
  • FIFA fornøyd med VAR-debuten i VM

    Det internasjonale fotballforbundet (FIFA) har uttalt at det er fornøyd med videodømmingsverktøyet VARs første avgjørelser i VM.

    En talsmann uttalte søndag at forbundet er «svært fornøyd» med hvilke avgjørelser som ble tatt dagen i forveien.

    – Alt gikk som det skulle gjøre. Vi håper det fortsetter på denne måten, fortsatte talsmannen.

    TOPSHOT-FBL-WC-2018-MATCH5-FRA-AUS
    Foto: LUIS ACOSTA / AFP

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
FIFA Fotball-VM 2018: VM-studio
FIFA Fotball-VM 2018: Sverige - Sør-Korea
FIFA Fotball-VM 2018: Sverige - Sør-Korea
Sport i dag