NRK Meny
Normal

Portugisiske klassemål senka Noreg

Joshua King og dei norske debutantane yppa seg mot Portugal, men da dei portugisiske stjernene prikka inn to fantastiske langskot hjelpte det lite at Noreg hang godt med.

Veton Berisha

DEBUTERTE: Veton Berisha stod for kveldens største sjanse da han heada rett over mål.

Foto: Pedersen, Terje / NTB scanpix

Laster innhold, vennligst vent..

Me er sjølvsagt skuffa over resultatet. Men me kom godt inn i kampen og skapte gode sjansar. I starten av andre omgang styrer me kampen, seier landslagstrenar Per-Mathias Høgmo etter kampen.

Den same oppfatninga hadde NRKs-fotballekspertar. Dette var ein kveld der Noreg var på høgde med Portugal i periodar, men så viste dei EM-klare portugisarane ei heilt anna klasse framfor mål.

Ikkje gode nok framfor måla

– Me hadde ein god start på andre omgangen, men det var ekstremt passivt mot slutten, seier NRKs fotballekspert Lise Klaveness etter kampen.

Radio-ekspert Karl Petter Løken er einig.

– Dette var nok eit bevis på at me ikkje er gode nok der kampen blir avgjort framfor dei to måla. Det er ein heilt ok treningskamp i periodar, men når resultatet til slutt blir 3–0 er det utklassing og ikkje godt nok, meiner Løken.

For Noreg var lenge på høgde med Portugal i den andre omgangen, men avslutninga var langt svakare.

– Spelet kom seg veldig i andre omgang, men etter 2–0 målet var det eigentleg køyrt. Det frisparket meiner eg uansett aldri skulle blitt noko av, det var klart filming. Men målet er det jo ikkje noko å seie på, det var klasse, seier Løken.

Per-Mathias Høgmo var heller ikkje berre fornøgd.

– Etter to målet døydde kampen litt for vår del.

– King var ein konstant trussel

Spikaren i kista kom etter 71 minutt etter kontring frå Portugal. Cedric fann til slutt Eder framfor mål som altfor lett får avslutte i mål. Det same skjedde i fyrste omgang da Ricardo Quaresma like enkelt fekk sende i veg eit kremmarhus etter 13 minutt.

Men det var også ein del positivt å spore hos Høgmos utvalde. Etter 57 minutt viste kveldens to debutantar seg skikkeleg fram. Venstreback Anders Trondsen fann Veton Berisha med eit strålande innlegg og Tyskland-proffen heada ballen like over tverrliggaren.

King mot Portugal

GOD: Joshua King viste i kveld kvifor han har hatt ein god vår i Premier League.

Foto: Pedersen, Terje / NTB scanpix

Joshua King kom også til ein god sjanse i fyrste omgang da han kombinerte fint med Markus Henriksen. Han tok med seg ballen til sida med keeper i hælane, venda opp og prøvde å lobbe ballen i mål. Ballen hamna til slutt i nettaket.

– King var bra og ein konstant trussel for Portugal. Henriksen spelte også ein bra kamp, og eg synest Veton Berisha klarte seg bra i debuten, meiner Løken.

Høgmo er også godt fornøgd med det han såg av King.

– Me er i ferd med å få ein spiss på eit veldig høgt internasjonalt nivå nå. King skapar to store sjansar i kveld, seier Høgmo.

Initiativet var på Noregs side etter Berishas store sjanse, men så var det desse portugisiske skotføtene. Sjølv om Cristiano Ronaldo var oppteken med restitusjon etter gårsdagens finalesiger har Portugal gode alternativ på frispark.

Raphael Guerreiro gjev publikum kveldens høgdepunkt i Braga da han lima frisparket i krysset. Rune Jarstein hadde ingen sjanse på skotet og til slutt blir det 3–0 siger og utklassing frå Portugal.

Siste nytt

  • Beskyldes for seksuell trakassering

    Carlo Tavecchio, som mandag gikk av som fotballpresident i Italia, blir beskyldt for seksuell trakassering av en tidligere ansatt. En kvinne forteller om en hendelse som skal ha funnet sted på Tavecchios kontor i et intervju med avisen Corriere della Sera.

    Italian Football Federation (FIGC) President Tavecchio looks on during a news conference in Rome
    Foto: Max Rossi / Reuters
  • Minde klar for Wolfsburg

    Den norske fotballprofilen Kristine Minde blir lagvenninne med Caroline Graham Hansen i tyske Wolfsburg fra neste sesong. Tirsdag bekreftet den tyske storklubben signeringen. Minde opplyste selv i forrige uke at hun forlater svenske Linköping.

    Kampen Norge - Belgia under EM fotball kvinner.
    Foto: Berit Roald / NTB scanpix
  • Tre FIFA-toppar utestengde

    FIFAs etiske komité utestengjer Richard Lai frå Guam, Julio Rocha frå Nicaragua og Rafael Esquivel frå Venezuela for livstid. Dei tre FIFA-toppane har sagt seg skuldig i korrupsjon under rettssaka som pågår i New York.

    Julio Rocha og Sepp Blatter
    Foto: Esteban Felix / Ap

Sendeplan

Kl. Program Kanal
Vi er landslaget - fra gutter til menn