Dansk tap i skandalekampen – vil betale erstatning til Slovakia

Dei danske amatørane kjempa tappert, og det blei til slutt eit heiderleg tap. No vil Danmark betale økonomisk erstatning etter skandalekampen.

Danmark

TAPPERT: Danmarks Kasper Kempel kjempa heroisk mot Slovakia og Robert Zak.

Foto: Ronald Zak / AP

Laster innhold, vennligst vent..

Det var truleg den mest bisarre landskampen i dansk fotballhistorie. Omtalt som ein skandalekamp og ein farse av danske medier.

Men dei innleigde amatørane kjempa heroisk, og tapte berre 3–0 for Slovakia som hadde stjerner som Martin Skrtel (Fenerbache) og Marek Hamsík (Napoli) i startoppstillinga.

Danmark på si side kom med spelarar frå futsalligaen og 2. divisjon, etter at det danske fotballforbundet (DBU) og spelarane ikkje er blitt samde om ein ny landslagsavtale.

Og no vil DBU betale økonomisk kompensasjon til det slovakiske fotballforbundet for tapte billettinntekter, ifølgje DR.

Då motstanden i privatkampen blei eit dansk «nødlandslag » måtte det slovakiske forbundet nemleg dumpe billettprisane før kampen.

– Med den beklagelege situasjonen som er oppstått er det naturleg at det slovakiske fotballforbundet skal haldast skadefrie. Vi skal finne ein måte å kompensere dei på etter kampen, seier kommunikasjonssjef i DBU, Jakob Høyer.

International Friendly - Slovakia v Denmark

VIKAR: John «Faxe» Jensen hadde som mål å avgrense tapet før kampen.

Foto: Radovan Stoklasa / Reuters

Dumma seg ikkje ut

Den slovakiske landslagssjefen, Jan Kozak raste før kampstart og kalla oppgjeret meiningslaust.

Åge Hareides vikar, John «Faxe» Jensen visste ingenting om spelarane frå før, og måtte bli kjent med kvar enkelt på flyet frå København.

Målet var å avgrense nederlaget mest mogleg. Tapsrekorden mot Tyskland på 8–0 frå 1937 stod i fare for å ryke.

Men dei glade amatørar skjemte på ingen måte bort fedrelandet.

I midten av første omgang var laget nær ei sensasjonell utlikning etter at Slovakia hadde tatt leiinga ved Adam Nemec. Så gjekk Slovakia opp til 2–0 like før pause.

Danmark stilte blant anna med ein økonomistudent på høgrebacken, venstrebacken jobbar som lærarvikar, og på midtbana spelte ein forsikringsrådgjevar.

På topp var Christian Offenberg på plass, toppscorar i andredivisjon og med tittelen «account-manager» til dagleg.

Bakarst stod Christoffer Haagh, landslagskeeper på futsallandslaget. Han redda laget frå eit større nederlag i hans største kamp i karrieren.

International Friendly - Slovakia v Denmark

EVIG MINNE: Spelarane av oppteken av å forevige minnet etter kampen.

Foto: Radovan Stoklasa / Reuters

Fastlåst

Danmarks innleigde heldt fram med å «blø for drakta» i andre omgang, og berre eit uheldig sjølvmål av Adam Fogt gav Slovakia 3-0.

Difor blei det aldri noko skrekk-siffer, og den 81 år gamle tapsrekorden står framleis.

Søndag må dei kanskje på bana igjen i ein langt viktigare landskamp. Då ventar Wales i nasjonsligaen. Christian Eriksen og dei andre landslagsspelarane har sagt seg villige til å setje seg til forhandlingsbordet. Men det har DBU blankt avvist.

Konflikten verkar fastlåst. Dermed ser det ut til at farsen held fram. Og at Åge Hareide kanskje må ta ferie ei lita stund til.

.

Siste nytt

  • Bodø/Glimt tok viktig poeng

    Nordlendingane klarte ikkje ta tilbake tabelltoppen, då laget spelte 1-1 borte mot Sarpsborg 08. Laget har dermed likt poeng med serieleiar Molde, men dårlegare målforskjell. Kristoffer Zachariassen sørga for 1-0 til heimelaget, men sju minutt før full tid utlikna Ulrik Saltnes for Glimt.

    Eliteserien i fotball 2019 Sarpsborg 08 - Bodø/Glimt
    Foto: Christoffer Andersen / NTB scanpix
  • Neerland gir seg som Molde-direktør

    Øystein Neerland sluttar som sjef for Molde Fotball ved årsskiftet, melder klubben. 55-åringen har vore direktør i klubben sidan 2015. Som fotballspelar har han 120 kampar og 35 mål for klubben. Styret er i gang med å finne Neerland sin erstattar.

    Nerland
    Foto: Svein Ove Ekornesvåg / NTB scanpix
  • Overtar det polske landslaget

    Storhamar-trenar Arne Senstad blir ny trenar for det polske kvinnelandslaget i handball. Det opplyser det polske handballforbundet. Han skal erstatte Leszek Krowicki som fekk sparken tidlegare i sommar grunna svake resultat.

    HÅNDBALL: Eliteserien kvinner. Rælingen Storhamar Marikollhallen. (11 - 34)
    Foto: Vidar Ruud / NTB scanpix

Sendeplan

Kl. Program Kanal