NRK Meny
Normal

Overraska over eigen suksess

Skiskyttar Lars Helge Birkeland imponerte både seg sjølv og andre under verdscupen i Ruhpolding i helga. No er trua stor på VM-deltaking etter karrierebeste i Tyskland.

Lars Helge Birkeland

GOD: Lars Helge Birkeland tok steget opp i den fremste verdseliten i skiskyting i helga.

Foto: Larsen, Håkon Mosvold / NTB scanpix

Lars Helge Birkeland

PREMIEPLASS: Lars Helge Birkeland fekk for første gang i karrieren vere med på blomsterseremonien i verdscupen individuelt.

Foto: Bendiksby, Terje / NTB scanpix

Tarjei Bø

IMPONERT: Tarjei Bø er imponert over innsatsen til Lars Helge Birkeland i helga.

Foto: Junge, Heiko / NTB scanpix
– Eg er litt overraska over at det gjekk så bra. Eg hadde ingen bomskot på 40 skot. Eg hadde venta at forma skulle komme før eller seinare. Det var herleg at den kom no, seier Birkeland til NRK.no.

Før verdscupen i tyske Ruhpolding hadde sørlendingen ein 21. plass som beste plassering i verdscupsirkuset.

Lagkamerat imponert

I Tyskland leverte han først ein solid stafettetappe der Norge vart nummer to. Laurdag følgde han opp med ein knallsterk 6. plass på sprinten.

På jaktstarten søndag var han lenge med i tetstriden, men vart til slutt nummer ti.

– Eg er veldig nøgd. Skytinga har vore strålande og forma i sporet har endeleg byrja å losne. Denne helga var ein stor opptur, seier han.

Landslagskollega Tarjei Bø er mektig imponert over Birkeland. Spesielt let han set imponere av skytinga til Birkenes-løparen.

– At han treff på alle er i seg sjølv ein megaprestasjon. I tillegg går han fort på ski samanlikna med tidlegare. Han har teke eit stort hopp inn i verdseliten. Det er kult, seier Bø.

Også Birkeland sjølv meiner han vil bli å rekne med i verdscupen framover.

– Eg må seie meg einig. Eg hadde 21. plass som best før denne helga. Dette var ei solid forbetring frå tidlegare, seier han.

– Medaljekandidat i VM

Superhelga gjer også Birkeland til ein heit VM-kandidat. Både landslagstrenar Roger Grubben og NRK-ekspert Halvard Hanevold meiner han kan ta medalje i VM i Nove Mesto, dersom han får gå.

– Dersom han skyt feilfritt, og er på sitt beste i sporet, så kan han absolutt kjempe om medalje, seier Grubben til Fædrelandsvennen.

– Han er medaljekandidat på 20 kilometer. Spesielt dersom det er litt ruskevêr, og nokon av dei andre bommar litt, seier Hanevold til avisa.

Birkeland trur at VM-sjansane er styrka etter dei sterke plasseringane i helga.

– Eg har veldig lyst til å gå i VM. Normaldistansen og stafetten er vel dei distansane eg har størst moglegheit til å få gå, seier han.

No er sørlendingen på veg til italienske Anterselva der han skal jakte nye topplasseringar til helga.

Siste nytt

  • Ødegaard tilbake for Heerenveen

    Martin Ødegaard var tilbake fra sin bruddskade da Heerenveen spilte 1-1 borte mot Vitesse i den nederlandske æresdivisjonen lørdag.

    Martin Ødegaard
    Foto: NRK
  • Tredjeplass til Skarstein

    Paralympics-håpet Birgit Skarstein fikk en sterk tredjeplass i lørdagens verdenscuprenn i langrenn i Tyskland, skriver NTB.

    Birgit Skarstein
    Foto: Anne Ragnhild Kroken / Norges Skiforbund
  • Ezinne tok VM-kravet

    Ezinne Okparaebo klarte kravet før innendørs-VM på 60-meteren under Bassen sprint i Bærum i dag. – 7.25 og VM-krav på første stevnet i dag. I'm back, skriver sprinteren i en SMS til NRK.

    Ezinne Okparaebo
    Foto: Jon Olav Nesvold / NTB scanpix

Sendeplan

Kl. Program Kanal