Hopp til innhold

Over halvparten vil ha Al-Samarai som idrettspresident: – Ønskjer ein Klaveness-effekt

Trenden er klar blant idrettskrinsane i Noreg. Seks av elleve ønskjer ein ny president i Idrettsforbundet.

Zaineb og Berit

UTFORDRAR: Zaineb Al-Samarai er ein av kandidatane som utfordrar noverande idrettspresident Berit Kjøll om det høgtståande vervet.

Foto: Stortinget/Håkon Mosvold Larsen / Stortinget/NTB

– Ho har eit godt pågangsmot og vil vere eit friskt pust inn i organisasjonen, seier Inger Lilleby Fløgum, styreleiar i Innlandet idrettskrins.

Det er ikkje Fløgum åleine om å meine.

Viken, Oslo, Innlandet, Møre og Romsdal, Trøndelag og Troms og Finnmark idrettskrins har alle utnemnt Zaineb Al-Samarai som presidentkandidaten sin.

Det betyr at over halvparten av krinsane ønskjer Zaineb Al-Samarai som ny idrettspresident.

Ikkje overraskande, meiner NRK sin sportskommentator.

Det er ingenting overraskande over dette. Det har vore tydelege signal dei siste månadene på at mange av krinsane ønskjer ein ny kurs vidare, representert ved nettopp Zaineb Al-Samarai, seier Jan Petter Saltvedt.

Berit Kjøll har allereie stadfesta at ho ønskjer å stille til attval som president. Viken har også foreslått tidlegare administrerande direktør i Norsk Tipping, Åsne Havnelid, som presidentkandidat.

Les også: Slår alarm om barneidretten: – Mer bekymret enn noen gang før

Athena t.v. og Sofija
Athena t.v. og Sofija

Inspirert av Klaveness

Saltvedt meiner Lise Klaveness har bana veg for Al-Samarai. Fotballpresidenten har vorte veldig populær etter å ha teke eit tydelegare standpunkt i mange sentrale saker.

Alle i norsk idrett har sett korleis norsk fotball forandra seg etter at Lise Klaveness vart vald til president. No ønskjer ein tilsvarande Klaveness-effekt for idretten sentralt, meiner Saltvedt.

Lise Klaveness i Dagsnytt 18 studio.

KLAVENESS-EFFEKT: Lise Klaveness har gjort seg merka i rolla som fotballpresident og har mellom anna vunne likestillingspris for arbeidet sitt.

Foto: Håkon Benjaminsen / NRK

Al-Samarai er tidlegare stortingspolitikar og jobbar no som kommunikasjonsekspert. I tillegg har ho erfaring som leiar for Holmlia sportsklubb og i styret til Vålerenga Fotball. Ho er også sitjande styremedlem i Idrettsforbundet.

Krinsane NRK har snakka med meiner bakgrunnen og erfaringa til å ta norsk idrett vidare.

Vi synest ho er dyktig og flink til å kommunisere. I tillegg representerer ho unge kvinner som vi meiner er fint å få inn i leiarposisjon, seier Kåre Sæter, styreleiar i Møre og Romsdal Idrettskrins.

Agder, Nordland, Rogaland, Vestland, Vestfold og Telemark har ikkje diskutert presidentkandidatane i styret endå.

Takkar krinsane

Al-Samarai vil ikkje stille til intervju med NRK, men har skrive ei utsegn på SMS.

– Eg set utruleg stor pris på at mange krinsar og særforbund har spelt meg inn som presidentkandidat. Som utøvar og tillitsvald både i breidde- og toppidretten, veit eg kor enormt verdifull idretten er.

I tillegg til brei erfaring, har Al-Samarai vakse opp på Holmlia etter at familien flykta frå Irak.

– Eg har kjent på kor godt det var at idretten inkluderte meg då eg var eit fattig barn frå Holmlia. Eg vil at endå fleire barn, unge og vaksne skal få oppleve den same gleda og verdien av idrett som eg har fått. No skal valkomiteen gjere jobben sin, og den jobben skal vi ha respekt for, skriv Al-Samarai avsluttande i tekstmeldinga.

Les også: Her kommer valgkampvinteren

Berit Kjøll og Åsne Havnelid
Berit Kjøll og Åsne Havnelid

Storfavoritt

Bakgrunnen til 35-åringen trur Saltvedt berre er til fordel for presidentkampen.

Til saman er dette faktorar som nok gjer at ho blir sett på som ein presidentkandidat som mykje betre ser dei openberre utfordringane i idretten dei neste åra. Idrettspresidentar har i altfor stor grad vore snorklipparar i Dale-genserar. No treng ein politikar som skjønner den openberre krisa breiddeidretten står midt i, seier Saltvedt.

Jan Petter Saltvedt

SPORTSKOMMENTATOR: Jan Petter Saltvedt.

Foto: Martin Leigland / NRK

Det stadfestar også styreleiar i Oslo idrettskrins.

– Ho er svært kompetent og erfaren. Og ho er nærare medlemmene. Både i bakgrunn, erfaring og alder. Det gjer at ho kan kjenne seg igjen i fleire problemstillingar, seier Marcela Montserrat Fonseca Bustos.

Kor stor favoritt er ho til å vinne valet i juni?

Ho er storfavoritt etter dette. Også gjennom signaleffekten dette gir overfor dei stemmeføre som ikkje har bestemt seg, avsluttar Saltvedt.

Siste nytt

  • Sørloth og Real Sociedad tok poeng på Bernabeu

    Det ble verken mål eller vinner i den spanske toppkampen mellom Real Madrid og Real Sociedad, og dermed er Barcelonas luke på tabelltopp nå fem poeng. Real Sociedad må først og fremst takke keeper Alex Remiro for poenget. Han leverte flere gode redninger, tre av dem på avslutninger fra Vinicius Junior, skriver NTB.

    Sørloth
    Foto: Manu Fernandez / AP
  • Evensen vant sprinten i U23-VM

    Ansgar Evensen vant sprintrennet i U23-VM i langrenn etter å ha stukket fra finalefeltet tidlig og holdt unna i ensom majestet. Evensen vant foran svenskene George Ersson og Emil Danielsson, skriver NTB. Jonas Vika ble nummer fire. – Det er veldig kult. Dette har vært et av mine mål denne sesongen, sa Evensen i et intervju med FIS.

    Ansgar Evensen
    Foto: Terje Pedersen / NTB
  • Danmark sikret historisk VM-gull

    Det ble heseblesende håndball i VM-finalen mellom Danmark og Frankrike, som kun var to mål bak danskene med tre minutter igjen. Men så fjernet de røde all tvil med tre scoringer – og vant 34-29. Danskenes Rasmus Lauge scoret hele ti mål i finalen. Dermed er Danmark første nasjon til å vinne VM-tittelen tre ganger på rad.

    Danmark
    Foto: JONATHAN NACKSTRAND / AFP

Sendeplan

Kl. Program Kanal
Sport
Spiller nå
Slik husker vi Pelé 01:30
Neste