NRK Meny
Normal

Også dei beste må gjennom kvalifisering

No må også dei beste i verdscupen i hopp gjennom kvalifisering for å få delta i rennet. Det blei bestemt på FIS-kongressen i dag.

Hopp Kevin Bickner

KVALIK: Det skal ikkje lenger vere friplass til dei beste i V-cupen i hopprenna. Alle må gjennom kvalifisering

Foto: Terje Bendiksby / NTB scanpix

Hittil har dei ti beste vore automatisk kvalifisert. Det vil seie at dei har kunna stå over kvaliken, og likevel få delta i rennet.

– Det inneber meir press og belastning på hopparane, men det er positivt for hoppsporten som tv-produkt, sa landslagssjef Alexander Stöckl til NRK i sommar.

Regelen har vore prøvd ut i Summer Grand Prix, og med så gode erfaringar at det no er endeleg bestemt.

Utslaget kan bli størst i den tysk-austerrikske hoppveka ved årsskiftet. Der fungerer kvaliken som oppsett for dei spesielle duellane i dei fire renna. Om ein av dei beste hopparane har stått over kvaliken, skal han møte vinnaren av kvaliken i sjølve rennet.

Men frå komande vinter må alle kvalifisere seg. Det finst ingen førehandskvalifiserte.

– Du mister eit treningshopp. Og du har sjanse til å trakke godt ut i salaten i større turneringar. Du er ikkje så skjerma som du eingong var, sa Kenneth Gangnes før plasthopp-sesongen i sommar tok til.

Hovudårsaka til endringa er at tv-stasjonane som har rettane til verdscupen vil at kvalifiseringsomgangen skal ha større sportsleg verdi.

– Kvalifiseringane blir heilt klart meir interessante, og det er godt for hoppsporten, sa Stöckl i sommar.

Siste nytt

  • VM-lag i flydrama

    Den ene flymotoren tok fyr da Saudi-Arabias VM-mannskap landet i Rostov. Det opplyser landets fotballfotbund på Twitter. Alle spillerne skal være i god behold, men det ble altså en høydramatisk ankomst for laget som skal møte Uruguay på onsdag.

    FBL-WC-2018-RUS-KSA
    Foto: PATRIK STOLLARZ / AFP
  • Kaptein-Kane header inn 2-1

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
FIFA Fotball-VM 2018: Colombia - Japan
Sport i dag
FIFA Fotball-VM 2018: Polen - Senegal
FIFA Fotball-VM 2018: VM-studio