Sjå langrenn frå Davos laurdag kl 11.05 og 13.20.
Northug kommenterer FIS' som har prega opninga av verdscupen i år. Mellom anna skal det vurderast avgrensningar av pengebruken til kvart landslag.
– Eg har ikkje tenkt så mykje over det. Men eg trur ikkje det let seg gjennomføre, rett og slett, seier Northug til NRK.
Han .
– Aldri vore på eit så godt lag
Heller ikkje Marit Bjørgen har serleg mykje til overs for FIS-forslaget.
– Det er klart at det er ein fordel med fleire nasjonar i tetkampen. Men vi kan ikkje gjere jobben for andre. I alle dei 15 åra eg har vore på landslaget, har eg aldri vore med på eit så godt lag. Vi har ein enorm kvaliet på treningane. Alle gjer ein kjempejobb, og spesielt har gutane hatt store framsteg det siste året, seier Bjørgen.
Petter Northug knuste alle i Davos for tre år sidan. – Då gjekk eg styggfort. Men då var utgangspunktet eit heilt anna, seier han
Foto: FABRICE COFFRINI / AfpLøparane er i Davos for å gå verdscupløp denne helga. Der vann Northug klart for tre år sidan. I år er utgangspunktet eit heilt anna. No er toppform i VM det einaste som gjeld.
– Går ikkje fort før i VM
– Den gongen hadde eg trent lite i september, oktober og november. Då hadde eg stort overskot og gjekk fort tidleg i sesongen, og gjekk nesten ikkje skirenn etter jul. No er det VM som gjeld, og det går ikkje før i slutten av februar.
– Kjem vi til å sjå deg gå fort før VM?
– Nei, er Northugs klare svar
Han prioriterer VM, og det som skjer før det, er mindre interessant.
Laurdag skal han gå 15 kilometer i Davos.
– Der håpar eg å kome inn på topp 10, seier Northug.
Godt i rute
Sjølv om han ikkje har dei heilt store forhåpningane der, er han godt i rute for dei viktige renna i sesongen, meiner han sjølv. Han er der han vil vere på denne tida.
– Det kan fort bli tre nordmenn på pallen likevel laurdag. Det er mange som er i form.
– Men det kan også bli endringar frå dei første renna. No er vi oppe i mellomhøgda, seier Northug.
