NRK Meny
Normal

Norsk supertalent fekk ikkje spele i Toppserien – nå er ho einig med Europas beste klubb

Andrea Norheim passerte i dag legesjekken hos meisterliga-vinnar Lyon. Men i heimklubben Klepp blei 17-åringen sett ut av laget og måtte ty til trening med gutta.

Andrea Norheim i Lyon

NESTEN KLAR: Andrea Norheim blir etter all sannsynlegheit lagvenninne med Ada Hegerberg i Lyon frå neste sesong.

Foto: Privat

– Det er ekstremt stort, det går nesten ikkje an å beskrive det. Det er nesten uverkeleg at eg har oppnådd det.

Det er ei glad 17-år gamal jente frå Jæren som tek telefonen på flyplassen i Lyon. Andrea Norheim er på veg heim etter å ha blitt einig om dei personlege vilkåra med det som for tida er Europas beste klubb.

– Klepp ville ikkje satse på meg

– Det var ikkje eit vanskeleg val. Eg kunne ikkje takke nei til ein så stor sjanse, seier Norheim.

Men heime på Jæren har det vore alt anna enn lett å vere ung fotballspelar med ambisjonar den siste tida.

– Det har vore litt komplisert. Eg har ikkje fått lov til å vere i startellevaren til Klepp i det siste, fortel Norheim.

Sidan 17-åringen var på prøvespel i den franske klubben i februar har Norheim blitt sett ut av laget. Før U17-EM i Kviterussland valde ho derfor i staden å trene med Brynes gutelag.

– Eg følte at dei ikkje ville prioritere meg og satse på meg. Eg følte det ikkje gjekk på det ferdigheitsmessige, men heller at eg hadde vore mykje vekke med landslag og nede i Lyon.

Er det ikkje litt spesielt at ein av verdas beste klubbar vil hente deg, men at du ikkje får spele i norsk toppserie?

– Jo, eg synest jo det er litt spesielt, men dei hadde vel sine grunnar, seier Norheim.

Tor Åge Risnes, sportsleg leiar i Klepp, seier det var vanskeleg å ta Norheim inn på laget etter mykje fråvær.

– Andrea var ikkje tilgjengeleg i starten av sesongen da ho blant anna var på prøvespel i Lyon. Da ho blei disponibel fungerte våre offensive spelarar godt. Me heiar på Andrea og det er naturleg at ein spelar som ho er misfornøgd med å vere ute av laget, seier Risnes.

Berre FIFA-godkjenning manglar

Nå er den vanskelege Klepp-tida over, men Norheim er klar på at det ikkje har påverka ho.

– Eg ville reist uansett, sjølv om eg hadde fått speletid.

Og nå står det berre ein formalitet igjen frå FIFA før Andrea Norheim kan kalle seg Lyon-spelar.

– Sidan eg er under 18 år må FIFA må godkjenne nokon ting frå kontrakten som går på skule og kor eg skal bu.

Der blir rogalandsjenta lagvenninne med Ada Hegerberg som scora da Lyon vann meisterligafinalen i slutten av mai. Neste år kan det vere Andrea som får speletid på Europas ypparste nivå.

– Den fyrste sesongen vil nok gå på at eg skal tilpasse meg, speletid vil berre vere ein bonus, seier Norheim.

Siste nytt

  • Styrer mot stort underskudd

    De foreløpige regnskapstallene fra Norges Cykleforbund viser et underskudd på 17,5 millioner kroner. Egenkapitalen er borte, og sykkel-VM i Bergen får skylden, skriver NTB.

    SYKKEL-VM BERGEN 2017.
    Foto: Marit Hommedal / NTB scanpix
  • Svensk OL-gull i curlingfinalen

    De svenske curlingkvinnene slo søndag Sør-Korea i OL-finalen i curling. Sveriges sjuende gull i Pyeongchang tangerer nasjonens beste vinter-OL noensinne, skriver NTB.

    WEB_SPORT
    Foto: Jonas Ekströmer/tt / NTB scanpix
  • Barcelona filleristet Girona

    Barcelona kom kjapt over åpningssjokket etter Cristián Portus tidlige scoring og snudde til 6-1 hjemme mot Girona i lørdagens Catalonia-oppgjør. Luis Suárez satte tre, Lionel Messi to og Philippe Coutinho ett i storseieren.

    SOCCER-SPAIN-FCB-COR/
    Foto: ALBERT GEA / Reuters

Sendeplan

Kl. Program Kanal
Høydepunkter fra dagen
Sportsrevyen
OL-magasin spesial