Noregs mest ukjende OL-deltakar

Robert Hamara er med i ei eksklusiv gruppe som skal dømme karatekampane i OL. Dersom han kjem seg til Tokyo i tide, vel å merke.

Robert Hamara blir heidra under NM i 2019

HEIDER: Her blir Robert Hamara heidra av forbundet i 2019

Foto: O.H.Haagensen/Sakura Karateklubb / O.H.Haagensen KIROPRO ASA

– Eg gler meg. Dette blir noko heilt spesielt, seier Robert Hamara.

63-åringen frå Sakura Karate Klubb i Oslo er ein av 16 dommarar som skal dømme OL-konkurransane i Tokyo. Karate står for første – og kanskje einaste – gong på OL-programmet.

Sporten har si opphav i Japan, og arrangørane pressa på for å få idretten med i Tokyo. Det gjekk IOC med på.

– Det er ein enorm prestasjon å kome så langt. Dette er veldig stort, og ei stor fjør i hatten for norsk kampsport. Nålauget er utruleg trongt, seier sportssjef Dag O. Jacobsen i Noregs Kampsportforbund om at Hamara får lov å dømme i OL.

– Men Robert har vore med i mange år og dømt i alle dei største konkurransane, så han er godt kjent som ein god dommar, legg Jacobsen til.

Kan få trøbbel med å rekke fram i tide

Robert Hamara har likevel eit lite problem: Korleis kome seg til Japan i tide.

Planen har heile tida vore å ta fly slik at han er framme akkurat i tide til karatekonkurransane tek til 5. august.

Men så innførte Japan brått tre dagars innreisekarantene, dermed vil han ikkje rekke fram i tide. Og det er umogeleg å finne nytt fly.

Men Robert Hamara tek det med ro, sjølv om problemet enno ikkje er løyst.

– Det er uansett testar i massevis både før og etter flyturen. Eg trur ikkje konkurransane blir avlyste fordi om vi ikkje rekk fram i tide til å ta karantene, det blir nok ei form for dispensasjon, meiner Hamara.

Robert Hamara

TRONGT NÅLAUGE: – Dette blir noko heilt spesielt, seier Robert Hamara, som skal dømme karatekampar i OL

Foto: Xavier Servolle

– Dømmer stort sett alle helger

Hamara har dømt sidan 1989, og har markert seg som ein av dei aller beste i verda. Han har vore hovuddommar i alle dei største konkurransane, som World Games, Combat Games og VM. Han var også dommar i ungdoms-OL i Argentina i 2018. I mai i år dømde han i EM i Kroatia.

I tillegg må dommarane som skal til OL, gjennom uttakskonkurransar.

– Når fekk du vite at du skulle dømme i OL?

– Eg blei i fjor teken ut til OL, som blei utsett. Det var først i mai i år eg fekk endeleg beskjed om at eg fekk vere med no, seier Hamara.

Sjølv for ein rutinert dommar som han er OL spesielt. Han meiner likevel at han er godt førebudd.

Det er årleg eit tjuetals stemne i Noreg. Og det blir også mange internasjonale, som «Premier League», som er karatesportens utgåve av verdscup.

– Det er inga overdriving å seie at eg dømmer så godt som alle helger, seier Hamara, som er arrangementskonsulent i kampsportforbundet. Han er også sekretær i dommarkomiteen i det World Karate Federation.

Kanskje einaste gong i OL

Robert Hamara, karate-dommer

RUTINERT: Robert Hamara har dømt karate på toppnivå i mange år og meisterskap

Foto: Norges Kampsportforbund

Karate er ein stor idrett internasjonalt. Det er 150 millionar registrerte aktive utøvarar i 199 land. Dag Jacobsen seier at nivået i idretten har teke seg markant opp sidan 2016, då det blei bestemt at karate skulle vere med i OL.

Men det kan hende Tokyo-OL blir einaste gong denne idretten står på programmet. I Paris-OL i 2024 er det tatt bort.

– Vi kan håpe at det er tilbake seinare, som i OL i Los Angeles i 2028. Men eg er ikkje optimist, seier Hamara.

Karatekonkurransane skal gå i arenaen Nippon Budikam. Den blei bygd til judokonkurransane i OL i 1964, og er også brukt til konsertar. Mellom anna hadde Beatles to konsertar der i 1966.

– Spesielt å opptre på same arenaen som Beatles?

– Ja, men eg har dømt det to gonger før, seier han, og røper at han har ei t-skjorte derfrå.

Arenaen var også kraftig renovert under førebuingane til OL.

Også gode taekwondo-dommarar

Det er ikkje berre i karate kampsportforbundet har gode dommarar. Også i taekwondo har norske dommarar gjort det skarpt. Det er ein kampsport som har lenger fartstid på OL-programmet.

– Der har vi hatt med dommarar fleire gonger. Vi har ingen i år, men to av våre var med i utveljingsprosessen heilt til målstreken, seier Jacobsen.

Sportsnyheter

Tokyo Olympics Athletics

OL-drama for Iuel – full forvirring i semifinalen: – Jeg reagerte på et eller annet

Først falt Amalie Iuel under oppvarmingen. Så tjuvstartet hun, men fikk likevel starte semifinalen. 27-åringen kom inn på sisteplass, og resultatlista viste først at hun var diskvalifisert. Det ble endret.

Siste nytt

  • Norge knuste OL-vertene

    De norske håndballkvinnene knuste OL-vertene Japan i den siste gruppespillkampen i ettermiddag. Sluttresultatet ble 37–25 etter at Norge stakk skikkelig fra midtveis i den første omgangen.

    – Det var riktig bra. Jentene var «på». Det handler om å være profesjonelle i slike kamper og få mest mulig ut av dem uten å slite seg ut, sa landslagssjef Thorir Hergeirsson til Discovery etter kampen.

    Norge hadde allerede vunnet sin gruppe før dagens kamp, men Thorir Hergeirssons lag fikk en fin gjennomføring før Ungarn venter i OL-kvartfinalen onsdag. Ungarerne ble nummer fire i sin gruppe.

    – Jeg synes ikke Ungarn har hatt toppnivå i OL. De startet litt dårlig, men har fått en positiv gnist. De har mange gode spillere, men jeg synes jo vi er sterkere, sa Katrine Lunde til NTB etter kampen.

    Vi fulgte kampen her.

    ddd
    Foto: Fabrice Coffrini / AFP
  • Leddet satt på plass

    Christian O’Sullivan har vært til et minimalt kirurgisk inngrep mandag kveld japansk tid hos en håndkirurg. Der ble ytterleddet i høyre tommel satt på plass. Leddet ble testet stabilt etterpå. Håndball-landslaget tar en avgjørelse i morgen formiddag vedrørende eventuelt videre spill i OL.

    Sommer-OL i Tokyo 2021
    Foto: Stian Lysberg Solum / NTB
  • Sverige til OL-finalen

    Sveriges fotballkvinner får en ny sjanse til å ta et etterlengtet OL-gull etter at Australia ble slått 1–0 i semifinalen i Yokohama mandag.

    Fridolina Rolfö scoret målet som til slutt skilte lagene. Det kom helt i starten av 2. omgang.

    Australia har aldri kommet lenger enn til kvartfinale i olympisk sammenheng. Semifinalen var således et historisk øyeblikk for Sam Kerr og lagvenninnene. Det var imidlertid svenskene som kunne juble.

    Sverige spilte seg også fram til finale under sommerlekene i Rio for fem år siden. Der ble det tap for Tyskland. Nå kommer sjansen til å revansjere seg.

    Finalemotstander blir Canada, som overraskende slo USA 1-0 i sin semifinale mandag. (NTB)

    Soccer Football - Women - Semifinal - Australia v Sweden
    Foto: Annegret Hilse / Reuters

Sendeplan

Kl. Program Kanal