Millionjakt ga suksess: – Det har begynt å løsne

ANTERSELVA (NRK): To ferske millionavtalar kan ha hindra smertefulle kutt for landslaget i skiskyting. Johannes Thingnes Bø meiner forbundet er i ferd med å snu ei vond trend.

Thingnes Bø

SER LYSARE TIDER: Johannes Thingnes Bø trur Norges Skiskyttarforbund er på veg opp frå bølgedalen etter sponsortørke den siste tida.

Foto: Fredrik Hagen / NTB scanpix

– Dette er utruleg viktig. Vi har vore utan nye sponsorar den siste tida, men no har ting begynt å løsne, seier Johannes Thingnes Bø til NRK.

Verdas beste skiskyttar tar godt imot landslagets nye hovudsponsor, Ice, på vinterens VM-arena i Anterselva.

På kort tid har Norges Skiskyttarforbund gått frå nedtur til opptur. På førre styremøte konkluderte dei med å kutte i 77 ulike prosjekt etter å ha styrt mot eit større underskot enn venta.

Dei hadde mellom anna tapt pengar på kjøp av ekstra klesplagg frå Odlo, noko som ikkje var dekka i avtalen med sponsoren.

Sparetiltak førte også til at Odd-Bjørn Hjelmeset måtte gå av.

Slapp unna

Kort tid etter står samme forbund med nye millioninntekter og styrer i tillegg mot budsjett.

Etter det NRK erfarer betaler mobiloperatøren Ice åtte millionar kroner over to år.

I tillegg kjenner NRK til at smøreavtalen med Kina genererer millioninntekter.

– Vi er avhengig av sponsorinntekter for å fortsette som verdas beste skiskyttarnasjon, seier generalsekretær Anne Varden.

Landslagstrenar Egil Kristiansen er letta over at tida med frykt for reduksjon truleg er over.

– Kuttinga har ikkje gått særleg ut over seniorlandslaget, men det kunne raskt skjedd om vi ikkje fekk peng inn i kassa. Det er bra at vi får inn midlar for å kunne fortsette med juniorlag, rekruttlag og eit bra opplegg for elitelaget, seier Kristiansen.

Ice-konsernsjef Eivind Helgaker tok sjansen på skiskyttarane etter gode resultat førre vinter.

Då blei Thingnes Bø tidenes mestvinnande utøvar i ein sesong med 16 førsteplassar i verdscupen. I tillegg vann både herre- og kvinnelandslaget stafett i VM.

– Vi har blitt inspirert av det vi har sett. I tillegg til å jobbe knallhardt for desse resultata er dei flinke til å vise masse humor og glede, seier Helgaker.

Ice

NY HOVUDSPONSOR: Mobiloperatøren Ice var på plass i Anterselva for å skrive under sponsoravtale med skiskyttarlandslaget.

Foto: Hans Henrik Bårtvedt / NRK

Manglar sin største sponsoravtale

Men fortsatt er forbundet på jakt etter ein generalsponsor. Etter at Dnb slutta å betale mellom 15 og 20 millionar i året, har plassen stått tom sidan 1. mai 2018.

Forbundet fortel at brutto eksponeringsverdi for ein generalsponsor i 2018/2019-sesongen låg på 59,2 millionar kroner.

– Brutto eksponeringsverdi er det det ville kosta å kjøpe tilsvarande reklameeffekt i dei aktuelle kanalane som skiskyttarforbundet har vore eksponert i. Normalt sett får store bedrifter ein medierabatt på 50 prosent, som gjør at ein kan halvere beløpet, seier dagleg leiar Vegard Arntsen i Sponsor Insight.

– Så om ein generalsponsor må betale 15 millionar og har 50 prosent medierabatt, kva vil den i så fall sitte igjen med her?

– Om dei har betalt 15 millionar og fått ein netto eksponeringsverdi på rundt 30 millionar tilsvarar jo det ei avkastning på 100 prosent, som betyr gevinst, seier Arntsen.

– Er det i så fall litt rart at dei ikkje har fått inn generalsponsor?

– Nei. Det kan vere mange grunnar til det. Det har vore eit visst generasjonsskifte hos skiskyttarane også. Det har litt å seie for populariteten i sponsormarkedet, men salgsarbeidet som er gjort har nok betydd ein del. I tillegg hadde skiskyting med seg store avtalar frå gull-alderen. Avtalane dei hadde var veldig bra, meiner Arntsen.

Men tidene ser lysare ut no enn for kort tid sidan, meiner sponsorsjefen.

– Det vil eg seie. Men du må gjerne ha meir enn ein profil som leverer toppresultat jamnleg, seier Arntsen.

– Burde VM på heimebane i 2016 ha gitt meir avkastning i form av store sponsoravtalar?

– Det er vanskeleg å seie at det burde, men det kunne gjort det. Ein meisterskap eller ein verdsrekord er i seg sjølv fører nødvendigvis ikkje til at sponsorane står i kø. Det er det mange eksempel på. Det er ikkje så enkelt, men kanskje dei kunne fått meir ut av VM i Oslo, seier Arntsen.

Anne Rustberggard Varden

GENERALSEKRETÆR: Anne Varden.

Foto: Hans Henrik Bårtvedt / NRK

– Har endra strategi

Thingnes Bø vil ikkje skulde forbundet for å ha sove i timen, men trur heller at sponsorane har blitt strengare når dei investerer.

– Dei gamle sponsorane våre har endra strategi. Det har gått ut over forbundet, seier Thingnes Bø.

– Vi ser eit skifte med at selskap fortsatt vil sponse, men er meir opptatt av å få meir ut av det dei investerer enn tidlegare, seier Varden til NRK.

Skiskyttarforbundet opplyser at marknadsinntektene for 2019 ligg på 43 millionar kroner. I løpet av hausten skal dei i møter med fleire potensielle generalsponsorar.

Etter vinteren utløper fire avtalar, som må forhandlast på ny. Etter det NRK erfarer blir ikkje Dnb med vidare som sponsor etter kommande sesong. Dei reduserte sitt sponsorat i 2018.

«Dei siste ti åra har marknadsinntektene til Norges Skiskyttarforbund utvikla seg positivt, frå 25 millionar i 2009 til anslagsvis 43 millionar i 2019. Vi er eit relativt lite forbund som jobbar tett med våre partnarar for at dei skal nå sine kommersielle mål, og alle våre partnarar skal merke ei tydeleg effekt av å vere på lag med oss. Vi har fått fleire nye partnarar i portefølja dei siste åra, og vi jobbar kontinuerleg med å reforhandle eksisterande avtalar og for å etablere nye bærekraftige partnarskap,» skriv Varden i ein e-post.

Siste nytt

  • NFF i blusstrøbbel

    Det europeiske fotballforbundet (UEFA) har innledet disiplinærsak mot Norges Fotballforbund for tilskueres bruk av bluss under kampen mot Færøyene.

    De første minuttene av EM-kvalifiseringskampen forrige uke ble det tent et stort antall bluss på en liten tribuneseksjon bak det ene målet på Ullevaal. Det var en markering i debatten om bruk av pyroteknikk på norske fotballtribuner, og det ble sunget «hater, hater NFF».

    Som ventet ble hendelsen rapportert av UEFAs kampinspektør, og forbundet må regne med en bot når disiplinærkomiteen behandler saken 12. desember (NTB)

    EM-kvalifisering fotball, menn: Norge - Færøyene
    Foto: Fredrik Hagen / NTB scanpix
  • Moi ble månedens spiller

    Mohamed Elyounoussi måtte melde landslagsforfall på grunn av skade, men han har nå fått prisen som månedens spiller i skotsk eliteserie for oktober.

    25-åringen har imponert for Celtic den siste tiden. Han er leid ut til klubben fra Southampton denne sesongen i jakt på spilletid, og han har levert meget sterke prestasjoner. Han scoret fire seriemål i løpet av måneden (to mot Ross County, ett hver mot Aberdeen og St. Mirren) for laget som topper tabellen.

    – Det ligger gode prestasjoner bak dette, men fotball er en lagsport, så jeg må takke mine lagkamerater, sier Moi til Celtics nettsted. (NTB)

    Britain Soccer Scottish Premiership
    Foto: Steve Welsh / AP
  • Kolstad slo Haslum

    Kolstad slo Halsum 34-28 i herrenes eliteserie i håndball og topper tabellen. Elverum vant også i kveld med 36-25 over Follo. Kveldens tredje oppgjør i eliteserien endte med seier 30-29 til Drammen over Bækkelaget.

    Daniel Knudsen Brandmo i svevet for Kolstad Håndball
    Foto: Robert Magnussen / nidarosfoto.no

Sendeplan

Kl. Program Kanal