Hopp til innhold

Messi i tårer etter sitt første Argentina-trofé: – 28 års ventetid er over

Etter fire finaletap med det argentinske landslaget skulle det endeleg lukkast for Lionel Messi på den internasjonale scena. Då Brasil blei besigra i Copa América-finalen klarte ikkje Messi å halde tilbake tårene.

Messi kneståande

KNESTÅANDE: I den augneblinken dommaren blåste av kampen sank Lionel Messi ned i kneståande, etter å ha teke sin første triumf på det Argentinske landslaget.

Foto: NELSON ALMEIDA / AFP

For det er 28 år sidan førre gong Argentina vann eit meisterskap på seniornivå, den gongen var Lionel Messi 6 år gammal.

Sidan den gongen har det blitt fem finaletap, fire i Copa América, eitt i VM. Det har lenge verka som at det ikkje var meininga at Messi skulle lukkast med landslaget. Heilt til dei møtte Brasil i finalen.

Ved full tid stod det 1–0 til Argentina, etter skåring av Angel Di Maria, og då dommaren blåste av kampen storma dei argentinske spelarane rett bort til Messi.

– Dei kan nesten ikkje tru det, Argentina. 28 års ventetid er over. Det ligg så mykje symbolikk i at alle dei argentinske spelarane spring bort til ein Lionel Messi i kneståande, for endeleg har Messi eit landslagstrofé, sa Viasports kommentator Petter Veland i det finalen var over.

– No er ikkje lenger argumentet om at Messi ikkje har levert på landslaget til stades, held han fram.

For det var lenge det einaste den argentinske juvelen mangla i sin trofé-samling – ein internasjonal triumf.

Gjennom meisterskapet har han herja for å føre Argentina til finalen, og sjølv om han var forholdsvis anonym i finalen, kan mykje av takka for denne triumfen rettast mot 34-åringen.

Etter at finalen var over, kunne også Argentinas trenar Lionel Scaloni fortelje at Messi ikkje spelte finalen på full maskin.

– Han spelte med eit problem med hamstringen sin, sa han, før han la til:

– Messi er den beste. Det ville han vore både med og utan denne triumfen.

Messi i lufta

HYLLA: Messi var sentral i Argentinas feiring etter sigeren mot Brasil.

Foto: RICARDO MORAES / Reuters

– Eg kjem ikkje til å forsøke meir

Men vegen mot dette historiske troféet har vore lang for han som blir rekna som ein av tidenes beste fotballspelarar.

Heile fire gongar har han vore i ein finale med landslaget utan å vinne. Både i Copa América mot Brasil i 2007 og i VM mot Tyskland i 2014 kom dei til kort då det gjaldt som mest.

Messi 2016

Messi etter finaletapet i 2016.

Foto: Brad Penner / Reuters

Nærast var dei likevel i 2015 og 2016, begge gongane i Copa América, begge gongane mot Chile i finalen.

Og begge gongane tapte dei etter straffesparkkonkurranse.

Tapet i 2016 gjekk ekstra hardt inn på Messi, som like etter kampen bestemte seg for å avslutte sin internasjonale karriere i ein alder av 29 år.

– Eg trur det er best for alle. Landslaget er over for meg, det er bestemt. Eg prøvde å vinne trofé med landet fleire gongar, men det gjekk ikkje. Eg kjem ikkje til å forsøke meir, og det vil ikkje vere nokon veg tilbake, sa han den gongen.

Returen, og meisterskapsrekord

Men han fann seg likevel vegen tilbake berre nokre månadar seinare. I årets meisterskap, fem år etter, har han storspela, og vore avgjerande for at Argentina tok seg til finalen.

Av Argentinas 12 skåringar, har Messi stått bak ni, med fire mål og fem målgjevande pasningar.

Argentina trofé

ENDELEG: Etter 28 års ventetid kunne Argentina endeleg løfte eit trofé igjen.

Foto: Andre Penner / AP

Aldri før har ein spelar slått fleire målgjevande pasningar i eit søramerikansk meisterskap, og han sikra seg med det både toppskårar-tittelen og tittelen som assistkonge.

I finalen var han ikkje like tonegivande, men ei vakker skåring frå Argentina, signert Di Maria gjorde at 34-åringen endeleg kunne løfte sin første pokal med landslaget han elskar.

– Vi kom til kort så mange gongar, vi har drøymt om dette så mykje, kjempa så hardt. Mange sa vi aldri kom til å klare det, vi har fått mykje kritikk, men vi gav oss aldri, sa målskårar Di Maria etter kampen.

Triumfen var Argentinas 15. i Copa América. Det er like mange gongar som Uruguay, som dei mestvinnande nasjonane i turneringas historie.

– Messi har fått troféet sitt med Argentina. Endeleg! Hans 36. trofé i karrieren, men eg har ein kjensle av at denne smakte best, skriv Jan Åge Fjørtoft på Twitter.

For no klarte han endeleg det han har jakta på å oppnå gjennom sin karriere: å vinne ei turnering med Argentina.

Og allereie om eitt og eit halvt år er det tid for VM, der Messi vil vere 35 år. Så spørst det om dette var hans siste dans, eller om han snører på seg skoa på den internasjonale scena ein siste gong, i jakta på det aller gjævaste troféet i internasjonal fotball: VM-gullet.

Siste nytt

  • Hoppbråket: Skiforbundet og hoppkomiteen ber om ro rundt Forfang og utøverne

    Norges Skiforbund og hoppkomiteen ber i en felles pressemelding om at utøverne på landslaget får ro i tiden som kommer. Det vises til at Alexander Stöckl-saken skal løses internt.

    Landslagshopperne har med utøverrepresentant Johann André Forfang i spissen uttalt at de ønsker et nytt lederteam inn mot den kommende VM-sesongen. Sentralt har vært uttalelser om misnøye mot landslagssjef Alexander Stöckl.

    Nå ber forbundsledelsen om at mediene ikke kontakter utøverne om den pågående saken.

    – Vi ser at den totale belastningen er stor for mange involverte, og særlig for Johann Forfang som er utøvernes talsperson. Mange har de siste dagene opplevd et sterkt press fra mediene om å uttale seg eller gi opplysninger i saken. Johann har bedt oss understreke at utøverne ønsker å løse denne saken internt, og ber om at dette blir respektert, sier Stine Korsen, leder i Hoppkomiteen.

    I mandagens pressemelding heter det at «den store pågangen fra mediene, og også trykket i sosiale medier har lagt et stort press på utøverne, ansatte og tillitsvalgte, og er blitt en stor belastning, også for Johann Forfang».

    – Johann og de andre utøverne ønsker å yte sitt beste i konkurranser fremover. Han ber om, og støttes av oss i, at alle som er opptatte av sportens beste nå bidrar til at vi kan håndtere denne saken internt og ikke gjennom mediene, sier Arne Baumann, generalsekretær i Norges Skiforbund.

    WFdpyayXhEM
    Foto: AFP
  • Ole Gunnar Solskjærs sønn Noah er klar for Aalesund

    Noah Solskjær har signert for fotballklubben Aalesund på en toårskontrakt.

    Klubben bekrefter overgangen.

    Ole Gunnar Solskjærs sønn spilte 3. divisjonsfotball for Spjelkavik forrige sesong, men har den siste tiden vist seg fram i Aalesund.

    23-åringen scoret fire mål på to treningskamper for Aalesund i forrige uke. Det ga kontrakt med klubben.

    J1CmnOWU9Qc
    Foto: NTB
  • Jon Dahl Tomasson blir trener for Sveriges fotballherrer

    Danmark-legenden Jon Dahl Tomasson blir Sveriges nye landslagssjef i herrefotball.

    Tomasson var sist trener for den engelske klubben Blackburn. Klubben opplyste nylig at dansken forlater stillingen.

    Sverige har vært på utkikk etter ny hovedtrener etter at Janne Andersson ga seg i november i fjor etter sju år ved roret.

    Andersson hadde varslet at han ville gå av som trener dersom Sverige ikke lyktes med å kvalifisere seg til sommerens europamesterskap. Det klarte de ikke. Sverige maktet heller ikke å kvalifisere seg til verdensmesterskapet i 2022, og rykket dessuten også ned til nivå tre av nasjonsligaen.

    Den siste tiden har blant annet Olof Mellberg og Per-Mathias Høgmo blitt linket til den ledige jobben. Nå blir Jon Dahl Tomasson blir lagets nye trener.

    Tomasson, med 112 landskamper for Danmark, var Åge Hareides assistenttrener for det danske landslaget under en svært suksessrik periode for laget. I løpet av Tomassons og Hareides ledelse kvalifiserte de seg både til VM i Russland i 2018 og EM i 2021.

    Tomasson tok over mesterskapsserieklubben, Blackburn før fjorårets sesong, og ledet dem til en imponerende sjuendeplass. Bare målforskjell holdt dem unna sluttspillet om opprykk til Premier League.

    Etter en periode med svake resultater i Blackburn har Tomasson hatt flere merkverdige intervjuer og uttalelser om klubben og måten klubben styres på den siste tiden.

    (NTB)

    zkvgtsrtT1A
    Foto: NTB

Sendeplan

Kl. Program Kanal