NRK Meny
Normal

FIS stadfestar: Russiske langrennsløparar nemnt i McLarens doping-rapport

Det internasjonale skiforbundet stadfester i dag at det finst langrennsløparar innblanda i mistenkelege dopingprøver som er omtalt i den såkalla McLaren-rapporten.

Dopingkontroll
Foto: Lee Jin-man / Ap

– Det finst langrennsløparar som ifølgje rapporten skal ha brote dopingreglementet under OL i Sotsji i 2014, skriv FIS i pressemeldinga som VG omtaler i dag.

– Dette vil bli granska. Vi kjem til å halde oss strengt til FIS' dopingreglement og Wadas antidoping-kode. Det betyr at vi ikkje går ut med namn før sakene er avslutta, skriv forbundet.

Richard McLaren har på vegner av antidopingorganisasjonen WADA gjennomgått påstandar om systematisk og omfattande juks med russiske dopingtestar under Sotsji-OL.

McLaren la fram første del av rapporten i juli og den andre delen sist fredag. Den fortel at over 1000 russiske utøvarar skal ha vore ein del av eit russisk dopingprogram frå 2011 til 2015.

12 av desse skal ha teke medalje på heimebane i OL 2014. Russland tok fem medaljar i langrenn, derav alle tre på femmila.

– Akseptere om v-cup-avslutninga blir flytta

Russlands langrennssjef Jelena Välbe seier til det russiske telegrambyrået R-Sport at ho ikkje har noko imot å flytte den planlagde verdscup-avslutninga i mars frå Tyumen til ein stad utanfor Russland, dersom det vil gi Russland goodwill til å la Russland delta i OL i Pyeongchang i 2018.

I går blei Sotsji fråteken VM i bob og skeleton som konsekvens av McLaren-rapporten. Fleire land hadde trua med å boikotte VM dersom det blei arrangert i Sotsji.

31 skiskyttarar mistenkt

Samstundes stadfester presidenten i det inernasjonale skiskyttarforbundet Anders Besseberg at 31 russiske skiskyttarar er mistenkte for doping.

– Nokre er utestengde frå før, nokre har slutta. Men dei andre skal vi granske og reagere så raskt som mogeleg, seier Bessberg til VG.

Siste nytt

  • Atlético vant supercupen

    I den helspanske finalen i den europeiske supercupen var det Atlético Madrid som trakk det lengste strået mot byrival Real Madrid, og vant 4–2 etter ekstraomganger. Det stod 2–2 etter full tid, men mål fra Saúl Ñíguez og Koke ga Atlético seieren.

    Atletico Madrid
    Foto: Javier Soriano / AFP
  • Bjørn Helge Riise til Sogndal

    Bjørn Helge Riise forlot Aalesund tidligere onsdag kveld. Nå er han klar for Sogndal. – Bjørn Helge er veldig profesjonell, og hans erfaring og lederegneskaper vil være av stor verdi i vårt unge mannskap, sier sportslig leder i Sogndal, Håvard Flo.

    Bjørn Helge Riise
    Foto: Audun Braastad / NTB scanpix
  • Hauger får skryt av Red Bull-sjef

    Formel 4-fører Dennis Hauger får rosende ord av Red Bull-sjef Helmut Marko. – Fram til nå har Dennis innfridd alle våre forventninger til det fulle, sier Marko i et intervju med Parc Fermé. Hauger signerte som juniorfører i Red Bull-systemet i fjor.

    Helmut Marko
    Foto: Leonhard Foeger / Reuters

Sendeplan

Kl. Program Kanal
Doping Documentary: IOC og det russiske dopingkomplottet