NRK Meny
Normal

– Ingen kan erstatte Zucca

Kven er det som kan erstatte Mats Zuccarello Aasen på Rangers' lag i NHL-sluttspelet? Ingen, skriv ein amerikansk hockeykommentator.

Mats Zuccarello Aasen

Her går Mats Zuccarello Aasen ned for telling etter å ha blitt treft av ein puck i kampen mot Pittsburgh førre fredag. Ein amerikanske hockeykommentator tvilar på om nordmannen let seg erstatte i New York Rangers' resterande sluttspelkampar

Foto: BRUCE BENNETT / Afp

Utan den skadde nordmanne tapte New York Rangers 1-2 for Washington Capitals i den første kvartfinalekampen i NHL-sluttspelet – til og med på heimebane.

Mats Zuccarello Aasen har opparbeidd seg stor respekt i NHL, og mange er svært opptekne av korleis New York Rangers skal klare seg utan den skadde nordmannen. Hans skadefråvær blir lagt merke til av hockeyskribentane i Nord-Amerika.

– Ingen kan erstatte det Mats Zuccarello Aasen tilfører Rangers' lagoppstilling, skriv kommentator Kevin Mizera på nettstaden thehockeywriters.com .

New York Rangers er rekna som ein av favorittane til å sikre seg årets Stanley Cup, og Zucca er ein vesentleg del av grunnen til det. Men sist fredag vart han skadd i hovudet og er ute på ubestemt tid – kanskje for resten av sluttspelet .

– Han får ting til å skje

– I den nærmaste framtida vil blåtrøyene vere utan ein av sine mest offensive katalysatorar – ein som spelar med «hjartet utanpå drakta» kvar einaste gong. Han er den spelartypen som får ting til å skje kvar gong han går ut på isen. Korleis skal Rangers erstatte han? spør Mizera.

Han nemner fleire spelarar som kan bli brukt på Zuccas plass. Først og fremst Martin St. Louis, som har vore på all star-laget i fleire tidlegare sesongar. – Men Martin har mista litt av tempoet dei siste sesongane, skriv kommentatoren.

Stort hol å fylle

Chris Kreider, Jesper Fast (som scora Rangers' mål mot Washington) og James Sheppard er namna Kevin Mizera elles nemner.

– Men ingen kan erstatte det Mats Zuccarello Aasen tilfører Rangers' lagoppstilling. Det er eit stort hol å fylle. Dei er kjent for å klare å kome tilbake, men tapet torsdag har gjort bakken litt brattare, skriv han.

Mats Zuccarello Aasen var Rangers' beste poengplukkar i førre sesong med 59. Denne sesongen har han 49. I grunnserien spela han 78 av lagets 82 kampar.

– Det var tøft å sjå han bli treft av den pucken. No blir det endå viktigare for oss andre å stå saman som eit lag. Eg håpar Mats snart er tilbake, seier Jesper Fast til Rangers' nettstad blueskirtsunited.com .

Siste nytt

  • Ronaldo nærmer seg 300-klubben

    Cristiano Ronaldo har for alvor funnet målformen i La Liga. Real Madrid-stjernen gjorde sitt åttende seriemål på under en måned i 5-3-seieren borte mot Betis. Ronaldo er nå tre mål unna å ha scoret 300. ganger i den spanske toppdivisjonen.

    Ronaldo
    Foto: Paul White / AP
  • Svendsen får gå mixed-stafett

    Laget som får gå mixed-stafetten i skiskyting ble klart søndag kveld norsk tid. Det er følger (i alfabetisk rekkefølge): Johannes Thingnes Bø, Tiril Kampenhaug Eckhoff, Marte Olsbu, Emil Hegle Svendsen.

    Morten og broren
    Foto: Junge, Heiko / NTB scanpix
  • Ny seier for Team Ulsrud

    I natt slo de Danmark før Team Ulsrud i ettermiddag knuste USA i den niende omgangen, med 8-5. Den muligheten fikk de etter en amerikansk kjempeblemme i 5. omgang. Med tre seiere er nå Norge på en delt fjerdeplass. Det er de fire beste som når en semifinale.

    OLYMPICS-2018-CURL-M-RR-USA-NOR/
    Foto: CATHAL MCNAUGHTON / Reuters

Sendeplan

Kl. Program Kanal