Klæbo vil utvikle nye superteknikkar

Han blei sesongens store snakkis med sin spesielle løpeteknikk opp bakkane. No vil langrennsportens Petter Smart utvikle nye teknikkar til vinteren.

Johannes Klæbo

MESTERHJERNE: Johannes Høsflot Klæbo er klar for å utvikle nye oppsiktsvekkande langrennsteknikkar før neste sesong.

Foto: Tore Meek / NTB scanpix

– Det meste skjer på gutterommet nede i kjellaren. Det er der det skal klekkast, smiler Johannes Høsflot Klæbo til NRK.

Du såg det under VM i februar. Klæbo løp bakkane i Lathi, og det såg ikkje ut som han hadde ski på beina.

Men han drog ifrå konkurrentane kvar einaste gang.

Johannes Klæbo har en veldig spesiell teknikk i bakkene.

RYKKET: Sjekk rykket som har gjort at konkurrenter virkelig har fått øynene opp for Johannes Høsflot Klæbo (20).

Har spelt fotball

Men til vinteren lovar vinnaren av sprintcupen å finne på noko nytt.

– Løping opp bakkane, det var fjoråret, seier Høsflot Kæbo.

Kva legg du i det?

– No har eg funne ein stil som eg føler meg komfortabel med. Men det er fem andre stil- og delteknikkar som eg kan forbetre. Det handlar om å vere smart, seier trønderen.

– Har du sett deg ut ein delteknikk?

– Vi er berre i april. Og sesongen er akkurat ferdig. Eg har ikkje peika ut noko spesielt. Eg har stort sett berre spelt fotball den siste tida, avslører norges nye langrennshåp, men legg til:

– Eg må komme meg på rulleski før eg får tenkt på det. Men det handlar om å ta nye steg i alle delteknikkar. Det kjem til å vere fokuset til vinteren også, seier han.

Utvikle saman med morfar

Tysdag blei han presentert som mentor for junior- og rekruttlandslaget til Norges skiforbund.

Høsflot Klæbos lidenskapeleg ønske om å vere i front gav han ein VM-bronse. I tillegg blei han tidenes yngste vinnar av sprintverdenscupen.

Den spesielle løpeteknikken utvikla trønderen saman med morfar Kåre Klæbo.

– Morfar og eg kan sitje og diskutere ting. Og plutseleg får vi en idé. Då er det berre å komme seg ut på ski og prøve, har Klæbo tidlegare sagt til NRK.

Her analyserer NRKs langrennsekspert Fredrik Aukland Johannes Klæbos teknikk i de bratteste bakkene

– Han (Klæbo) får hele kroppstyngden over trykkpunktet på skia og det gjør at han kan starte frasparket direkte, forklarer NRK-ekspert Fredrik Aukland.

– Blir utbrent i september

Sportssjef Vidar Løfshus meiner sprinten i OL neste år bør vere sesongens store mål for trønderen.

– Eg trur han har eit veldig stort potensiale både i sprint og i distanse-renn.

– Men på kort sikt passar sprinten i Pyeongchang han bra. Men dersom han held fram kvantespranget i vinter er han fort aktuell på andre distansar også, seier sportssjef Vidar Løfshus til NRK.

Høsflot Klæbo har så langt ikkje via neste års OL-sprint ein tanke.

– Det er for tidlig for meg å tenkje på OL. Då er eg utbrent i september. Den OL-løypa kjem eg sikkert til å visualisere ein del gongar, men eg må drøye litt med det, seier han.

Onsdag tar Norges Skiforbund ut neste sesongs landslag. Spørsmålet er om Høsflot Klæbo blir tatt ut på allround- eller sprintlandslaget.

– Eg føler eg har gått fort, både på distanse og i sprint. Men det er nok i sprint eg har gått fortast, seier Johannes Høsflot Klæbo.

Sportsnyheter

Haaland på årets lag – fikk målspørsmål av trenerlegende

Erling Braut Haaland er tatt ut på årets lag i verden av det internasjonale fotballforbundet. I prat med trenerlegenden Arsène Wenger fikk han skryt.

Sikret sin tredje VM-medalje: – Det var ikke helt det jeg hadde håpet på

Jesper Saltvik Pedersen (22) var ikke fornøyd etter å ha sikret seg sølvmedalje i superkombinasjonen.

Siste nytt

  • Lewandowski årets spelar

    Robert Lewandowski er kåra til året spelar for 2020/21. Bayern Münchens polske storscorar gjekk til topps på FIFAs "The Best"-galla i kveld.

    Han scora 48 mål på 40 kampar sist sesong. Han slo også Gerd Müllers 49 år gamle rekord for Bundesliga med eitt mål og enda på 41.

    Lewandowski vann prisen for andre gong. Den første var i desember 2020.

    Dei andre spelarane i finaleheatet var Lionel Messi og Mohamed Salah.

    Årets beste kvinnelege fotballspelar blei Barcelonas Alexia Putella.

    Chelsea tok begge prisane for årets trenar, ved Thomas Tuchel og Emma Hayes.

    Robert Lewandowski
    Foto: Wolfgang Rattay / Reuters
  • Norge får ingen poeng med seg vidare

    Russland knuste Slovakia 36-27 (19-9) i den første kampen i Norges EM-gruppe i kveld. Det inneber at om Norge går vidare til hovudrunden, blir det utan å ta med seg poeng frå innleiingskampane. Berre Russland går vidare med 2 poeng etter sigeren over Norge laurdag.

    Men med dette resultatet er Norge i praksis klar for hovudrunden, saman med Russland. Berre eit heilt usannsynleg kjempetap på åtte mål eller meir for Litauen seinare i kveld kan hindre det.

    Norge skal møte Spania, Tyskland, Polen og enten Sverige eller Tsjekkia i hovudrunden, som tek til torsdag.

    Aleksandr Ermakov, Russland
    Foto: DAVID W CERNY / Reuters
  • Minkande smitte i Premier League

    Premier League opplyser at det blei tekne 33 positive korona-prøver av spelarar og i støtteapparat sist veke.

    Det stadfester ein fallande trend sidan smittetoppen før jul. I første veka av året blei det tekne 72 positive prøver, og 94 i veka før. I juleveka var talet 103.

    Totalt er 21 ligakampar utsette på grunn av covid-utbrot i ulike klubbar.

    Covid-kontroll i Premier League
    Foto: PAUL ELLIS / AFP

Sendeplan

Kl. Program Kanal