Her er vertsnasjonens store akilleshæl

Nesten halvparten av Frankrikes baklengsmål dei siste fire åra har kome etter dødballar. Det kan bli favorittens fall i EM på heimebane.

Pogba

MANGE BAKLENGS: Defensiv dødball har vore Frankrikes svake punkt i vår, og nesten halvparten av baklengsmåla ha kome på den måten. Her tapar Paul Pogba ein duell mot Nederlands Virgil Van Dijk da Frankrike vann 3-2 i mars.

Foto: FRANCK FIFE / Afp

Laster innhold, vennligst vent..

– Vi har jobba mykje med defensive dødballar på treningsleiren vår før EM, seier forsvarsspelar Laurent Koscielny.

– Vi veit kor viktig dette er i moderne fotball, og at det kan avgjere kampar, legg han til.

Frankrike opnar EM på heimebane mot Romania fredag kveld. Laget skal forsvare sin stolte statistikk ved å vere einaste landet som har vunne EM på heimebane (1984). I tillegg vann dei VM på heimebane i 1998.

Dermed er dei den kanskje største favoritten i årets EM. Men for å innfri, må dei få skikk på forsvarsspelet.

3 x 2 baklengsmål

Frankrike har nemleg slite med forsvaret i oppkøyringane, og sleppte inn to mål i tre kampar på rad. Derfor smakte det godt med 3-0 over Skottland i generalprøven sist helg.

Der score 29-åringen eitt av måla – hans aller første på landslaget.

Men jobben hans er å hundre motstandaren i å score.

– Det gjer altid godt for sjølvtilliten å halde nullen, seir Koscielny. – Men eg var heller ikkje redd etter to baklengs mot Kamerun (siger 3-2).

– Vi må jobbe meir med baklengsmåla, og det gjer vi. Vi har også gode folk på offensive dødballar, og der er vi effektive. Dimitri Payet og Antoine Griezmann er gode til å skyte, og vi har også gode folk til å legge dødballar inn i boksen. Dette jobbar vi med kvar dag, seier Koscielny.

– Skal forsvare oss med glede

Bacary Sagna er ein annan av dei franske forsvarsspelarar. Han er heller ikkje glad for baklengsmåla.

– Men vi heldt nullen mot Skottland, og det er det vi skal halde fram med; å vere solide bakover, seier den rutinerte Manchester City-spelaren.

Men han avviser at Frankrike har trena spesielt på å forsvare seg mot dødballar.

– Ikkje spesielt mykje, nei, men vi må vere konsentrerte. Når vi må forsvare oss, skal vi gjere det med glede. Eg er ein forsvarsspelar sjølv, og kvar gong eg klarerer ein ball, er det som om eg scorar, seier Sagna.

Vil kopiere Platini og Deschamps

Hugo Lloris er lagets keeper og kaptein. Han vil meir enn gjerne løfte trofeet framfor heimepublikum etter finalen 10. juli, og dermed kopiere legendene Michel Platini og Didier Deschamps.

Men det er ikkje det han tenkjer på enno.

– Det tar vi roleg enno. Først skal vi vinne opningskampen, så skal vi spele vår eigen fotball. Då skal vi nå langt. Vi kjenner dei enorme forventningane, og dei skal vi takle, seier Lloris.

Laster innhold, vennligst vent..

Siste nytt

  • Dermendzjev tar over Bulgaria

    Georgij Dermendzjev er utpekt til å overta som sjef for Bulgarias fotballherrer etter at Krasimir Balakov trakk seg som følge av rasismeskandalen sist uke.

    64-åringen er en av Bulgarias mest suksessfulle klubbtrenere.

    Euro 2020 Qualifier - Group A - Bulgaria v England
    Foto: Carl Recine / Reuters
  • Vil forlenge Lagerbäcks kontrakt

    Norges Fotballforbund (NFF) vil ha Lars Lagerbäck med videre som landslagssjef etter neste sommer, dersom svensken ønsker det selv.

    Det bekrefter fotballpresident Terje Svendsen overfor Nettavisen.

    – Det er ingen hemmelighet fra vår side at vi ønsker at han skal fortsette, sier Svendsen.

    I forbindelse med EM-kvalifiseringskampene mot Spania og Romania fikk Lagerbäck gjentatte ganger spørsmål om sin framtid som sjef for fotballherrene. Hans nåværende kontrakt går ut til sommeren, men Lagerbäck har ikke vært avvisende til å forlenge avtalen.

    – Den ballen ligger hos NFF. Jeg vil jo råde dem til å få dette avklart så raskt som mulig, sa Lagerbäck.

    Det betyr at Lagerbäcks framtid trolig avgjøres før Norge skal spille omspill i nasjonsligaen i mars. Det er siste mulighet til å sikre seg plass i fotball-EM til sommeren. (NTB)

    Lagerbäck
    Foto: Lise Åserud / NTB Scanpix
  • Falk mister hele sesongen

    Den svenske langrennsløperen Hanna Falk mister den kommende sesongen på grunn av en ryggskade, skriver Aftonbladet. Landslagslege Magnus Oscarsson opplyser at Falk har slitt med ryggproblemer, og nå er plagene såpass store at hun skal opereres.

    Falk
    Foto: ANDREAS HILLERGREN/TT / ANDREAS HILLERGREN/TT

Sendeplan

Kl. Program Kanal