Hopp til innhold

Her blir dommar (16) angripen av illsinte spelarar på Norway Cup

På onsdag dømte Mats Johnsen Wasmuth (16) ein gutekamp på Abildsø. Det utvikla seg til å bli ei ubehageleg oppleving for guten.

Dommaren blir angripen av spelerar på Norway Cup

ANGRIPEN: Mats Johnsen Wasmuth (16), blei dytta og fortel at han ble hetsa av spelarane.

Foto: Privat

Den unge fotballdommaren dømmer Norway Cup for fyrste gong, og innrømmer at situasjonen gjekk inn på han.

– Eg blei redd, og tenkte at eg berre måtte komme meg vekk. Eg begynte som kretsdommar i år, og eg har aldri opplevd noko liknande før, fortel Wasmuth.

Tenkte å slutte som dommar

Eit utenlandsk lag tapa 2–1 mot eit Oslo-lag i åttedelsfinalen i Norway Cup. Det gjorde at det rant over for spelarane.

– Det begynte mot slutten av kampen då spelarane på det utenlandske laget starta å klage og herme etter meg, seier Johnsen Wasmuth.

Da den ferske dommaren blåste av kampen eskalerte det ytterlegare.

– Han eine spelaren kom mot meg og begynte å dytte meg, så kom dei andre på laget og alle begynte å dytte meg. Det var skremmande.

– Var det nokon som reagerte?

– Ja, me har nokon som rettleiar oss dommarar under kampen, og han kom inn for å bryte opp, og det gjorde også trenaren til det utenlandske laget, seier Johnsen Wasmuth.

Hissig stemning da trenaren til det eine laget måtte stoppe sine eigne spelerar frå å gå på dommaren

MÅTTE BLI STOPPA: Trenaren måtte stoppe sine eigne spelarar frå å gå på dommaren.

Foto: Privat

Sekstenåringen kjem frå Bergen, og faren dømmer også på Norway Cup. Han bestemte seg for at han også ville prøve å dømme i Norway Cup etter å ha høyrd mykje fint om det. Hendinga på Abildsø gjorde at han vurderte å slutte som dommar. Dagen etter var likevel den unge dommaren ute på matta og dømte igjen.

– Rett etter kampen på Abildsø tenkte eg at eg ikkje hadde lyst til å dømme meir, men så kom tanken at eg ikkje vil at dei skal vinne over meg. Eg føler det her er min måte å slå tilbake på, seier han, og smiler.

Mats Johnsen Wasmuth

TILBAKE: Mats Johnsen Wasmuth var tilbake på banen for å døme fredag.

Foto: NRK

Får konsekvensar

Espen Kallerud er Norway Cup sin dommarsjef, og fortel at det var ein krevjande kamp med mange situasjonar.

– Me ser at kampane spissar seg til i sluttspelet, og det er litt temperatur. Men slike ting skal ikkje skje, det er ikkje bra. Me slår ned på slik oppførsel, og i dette tilfellet har den eine spelaren fått tre kampars karantene, seier Kallerud.

Espen Kallerud er Dommarsjef på Norway Cup. Han kallar oppførselen til spelerane uakseptabel.

UAKSEPTABEL: Espen Ramiro Kallerud er dommarsjef på Norway Cup. Han meiner oppførselen var ufin.

Foto: NRK

Sidan laget er ute av Norway Cup vil denne karantenen gjelde for seriespelet i lagets heimland.

Dommarsjefen har sjølv dømt på Norway Cup tidlegare og han fortel at han har vore involvert i fleire situasjonar, men at det er sjeldan det blir fysisk. Han trur at Wasmuth tek mykje læring frå hendinga.

– Eg er 100 prosent sikker på at denne erfaringa gjer han sterkare.

– Ja, eg trur også det. Det å bygge på denne erfaringa er ein god idé, svarar den unge fotballdommaren.

Dommer (24) utsatt for slag, spark og kvelertak etter 5. divisjonskamp

Kjende på urettferdig dømming

Trenaren for det utenlandske laget var ein av dei som forsøkte å få vekk sine eigne spelarar etter kampen.

– Eg har forståing for at Norway Cup handlar om at barna skal ha det gøy, og at dommaren kan gjere feil, men i denne kampen blei det så mange tilfelle der avgjerslene gjekk i det andre laget sitt favør. Barna på mitt lag er her også for å ha det gøy, men i går så opplevde dei det ikkje som morosamt. Dei hadde eit stort ynskje om å gå vidare, og dei opplevde det som veldig urettferdig, fortel han.

Trenaren.

URETTFERDIG: Trenaren for det utenlandske laget forsøkte å få vekk sine eigne spelarar.

Foto: NRK

Han har likevel ikkje problem med å be om unnskyldning på vegner av laget.

– Laget blei provosert der og då, men me er ferdige med det no. Eg har ingen problem med å be om unnskyldning for korleis dei reagerte og eg beklaga til dommaren etter kampen, fortel trenaren.

– Trenaren kom bort og takka meg for kampen, og bad om unnskyldning for oppførselen til spelarane, seier dommar Wasmuth.

Totalopplevinga på Norway Cup har gitt meirsmak for bergensaren.

– Eg ser for meg å dømme i åra framover også. Det er kjekt å vere her, seier han.

Siste nytt

  • Strømsgodset med etterlengtet seier

    Strømsgodset satte en stopper for flere negative rekker da de vant 2-0 hjemme over Haugesund i Eliteserien mandag.

    Før mandagens oppgjør sto Haugesund med tre strake seirer mot Godset. Sist drammenslaget slo FKH var tilbake i april 2022. Strømsgodset hadde heller ikke slått FKH på hjemmebane siden mars 2019.

    Det var heller ikke mye som tilsa at disse rekkene skulle stanses i mandagens oppgjør. Før kampen sto nemlig Strømsgodset med tre strake tap i liagen.

    Strømsgodset med etterlengtet seier
    Foto: NTB
  • Molde-smell mot Sarpsborg 08

    Sarpsborg 08 reiste seg etter flere stygge tap, intern møtevirksomhet og negative overskrifter i mediene. Mandag ble det 4-2-seier og tre kruttsterke poeng mot Molde.

    Pawel Chrupalla, Stefan Johansen og Sondre Ørjasæter (2) scoret målene for gjestene i det som ble en solid revansje etter en særdeles turbulent uke.

    Den stygge 1-7-smellen hjemme mot HamKam 16. mai ble etterfulgt av et fire timer langt internt krisemøte.

    På tampen kom en svært omdiskutert situasjon. Molde ville ha straffe da Anders Hagelskjær gikk i bakken i feltet. I den påfølgende kontringen satte Sondre Ørjasæter inn 4-2 for gjestene.

    Dommer Marius Lien ble bedt om å vurdere straffesituasjonen av VAR-rommet, men besluttet at avgjørelsen hans skulle bli stående. Dermed endte det 2-4.

    Sarpsborg 08 feirer seieren mot Molde FK
    Foto: NTB
  • Drømmedag for Fredrikstad

    Fredrikstad leverte nok en praktkamp og slo Lillestrøm 3-0 på bortebane mandag.

    Julius Magnusson, Oscar Aga (straffe) og Sondre Sørløkk scoret målene for nyopprykkede FFK, som nå er nummer tre i eliteserien og ikke har tapt siden serieåpningen.

    Eliteserien i fotball 2024: Lillestrøm - Fredrikstad
    Foto: Thomas Andersen / NTB

Sendeplan

Kl. Program Kanal