Hazard-perle sikra ligatittelen for Leicester: – Me kan ikkje tru det

Heilt til det 84 minutt såg det ut som Tottenham skulle berge gullhåpet. Så small han som garantert blir Leicester-fansens nye helt til med silkefoten.

BRITAIN SOCCER-/

ELLEVILL JUBEL: Aldri har vel Leicester-fansen jubla høgare i kveld.

Foto: Eddie Keogh / Reuters

Laster innhold, vennligst vent..

– Me kan ikkje beskrive det. Me håpa på ein bra sesong, så vinn me serien. Det er ikkje til å tru.

Supportarane på Local Hero Pub i Leicester skjønte nesten ikkje kva som skjedde. I kveld skjedde det usannsynlege. Leicester City er engelske seriemeistrar 2015/2016 etter eit fotballdrama av dei sjeldne.

– Me må takke spelarane, manager, supportarane, trenaren, eigarane. Det her beviser at ein ikkje treng pengar for å vinne. Det er lagand og lagarbeid!

Så begynner supportarane å synge om Champions League. Neste år skal dei visst slå Barcelona.

Laster Twitter-innhold

NRK møter så ein 12-år gamal som måtte ta til tårene etter å ha hatt sin livs største kveld på fotballpub med faren

– Eg var skikkeleg skuffa i fyrste omgang og var sikker på at me ikkje ville ta det. Så scora Chelsea på slutten. Det var heilt utruleg, eg kjem til å hugse det resten av livet.

Reporter: Patrick Rowlands. Redigert: Martin Svalastog
Laster Twitter-innhold

Men Leicester spelte ikkje sjølv ei rolle på grasmatta. I kveld var Chelsea-Tottenham meir enn eit London-derby.

Tottenham måtte vinne for å halde liv i gullhåpet, og Chelsea kunne gje Leicester ligatittelen alt i kveld.

Fest utanfor King Power

FEIRING: Leicester-supportarane strøyma til heimebanen King Power stadium etter å ha sett kampen på pub.

Foto: Patrick Sten Rowlands / NRK

Og kampen hadde alt eit fotballdrama skal innehalde.

Til slutt skulle ein belgisk silkefot sørge for ei av fotballhistoria største sensasjonar.

– Det er alltid stort å score framfor fansen vår. Me trengte poenget, men eg bryr meg ikkje om kven som vinn serien. Leicester fortener å bli meistrar, det er bra for Premier League, sa Eden Hazard etter kampen til Sky Sports.

Laster Twitter-innhold

Pochettino sprang inn på banen

Harry Kane starta det heile da han og Eric Lamela lurte Chelseas offsidefelle etter 34 minutt. Engelskmannens sitt 25 mål for sesongen og dermed rykka han forbi Sergio Agüero på toppscorarlista.

Tottenhams servitørkonge er dansk og heiter Christian Eriksen. Han fann Heung-Min son på perfekt vis og koreanaren sette sitt tredje mål på Eriksens 13 målgjevande pasning for sesongen.

Bortelaget gjekk til pause med 2-0, men inngangen til pausen blei alt anna enn roleg.

Danny Rose og Willian hamna i tottane på kvarandre, og til slutt hiv Spurs-trenar Pochettino seg inn på banen for å skilje kamphanane.

På reprisebileta kan det også sjå ut som Moussa Dembele er oppe i auget til Diego Costa. Episoden vil nok få etterspel.

Hazard

HELT: Eden Hazard blei Chelsea-helt, men kanskje aller mest Leicester-helt i kveld da han scora 2-2 målet.

Foto: John Sibley / Reuters

Hazard blei Leicester-helt

Andre omgang starta langt rolegare enn den fyrste slutta. Tottenham hadde eit par småsjansar, men det var ikkje før i det 57 minutt det verkeleg small igjen på Stamford Bridge.

Gary Cahill får til slutt ballen etter corner og bruka rein kraft på å banke inn reduseringa for Chelsea.

Chelsea held fram trykket og det gjev utslag til slutt.

Og for eit klimaks det blir!

Leicester-fansen fekk ein ny belgisk helt i kveld når Eden Hazard plasserer skotet heilt perfekt i vinkelen.

Dermed blir det usannynlege sant.

Leicester er ligameistere i England 2016!

Siste nytt

  • OL-kvalik flytta pga coronavirus

    Ei av gruppene i den asiatiske OL-kvalifiseringa i fotball for kvinner er det førebels siste idrettsarrangementet som er flytta frå Kina på grunn av corona-viruset. Kampane er flytta til Sydney i Australia.

    Gruppe B i finaleturneringa skulle ha vore arrangert i Wuhan, der det første corona-utbrotet blei registrert. Først var det flytta til Nanjing, men så trekte Kina seg som arrangør.

    Laga i gruppa er Kina, Australia, Taiwan og Thailand, og kampane skal spelast frå 3. til 9. februar.

    Tidlegare i dag blei det kjent at også Hongkong Maraton er avlyst av same grunn. Det skulle gått 9. februar.

    Kinesisk fotballandslag
    Foto: Stringer / Reuters
  • Spania blei europameister

    Spania scora det avgjerande målet få sekund før full tid og slo Kroatia 22-20 i EM-finalen.

    Spania låg under med tre mål etter 20 minutt, men leia 12-11 ved pause, og 16-12 nokre få minutt inne i andre omgang.

    Sigeren såg ut til å glippe då Kroatia snudde 16-18 til 19-18 med få minutt att. Men i dei siste minutta heldt Spania hovudet kaldast.

    Med sigeren er Spania klare for OL i Tokyo i sommar.

    Jorge Maqueda Pena, Spania
    Foto: Jonathan Nackstrand / AFP
  • Effektivt United med 6-0-seier

    Ole Gunnar Solskjær kan smile bredt etter at hans Manchester United slo Tranmere Rovers fra tredjenivå hele 6-0 i FA-cupens fjerde runde. United var utrolig effektive og en seks minuttersperiode sørget for 3-0, takker være Harry Maguire, Diogo Dalot og Jesse Lingard. Phil Jones headet så inn en 4-0-ledelse, før Anthony Martial satte inn 5-0 like før pause. I andreomgangen sørget Mason Greenwood for at laget vant 6-0 på bortebane og avanserte i cupen.

    FA Cup Fourth Round - Tranmere Rovers v Manchester United
    Foto: Andrew Boyers / Reuters

Sendeplan

Kl. Program Kanal