Rørt til tårer etter sin første verdscupsiger

LILLEHAMMER/OSLO (NRK.no): I februar var Pål Golberg langt, langt nede etter totalkollaps i VM. Laurdag banka han sensasjonelt heile verdseliten og tok sin første verdscupsiger. – Eg er litt skjelven akkurat no.

Pål Golberg slet med å holde tårene tilbake etter seieren på 15km klassisk. Reporter: Ida Nysæther Rasch

Pål Golberg var i gledestårer då NRK prata med han etter sigeren.

Pål Golberg

Pål Golberg trengde litt tid for seg sjølv i intervjuet med NRK.

Foto: NRK

– Dette kan vere hans store gjennombrot!, sa NRK-kommentator Torgeir Bjørn i det Pål Golberg gjekk inn til suveren leiing på 15-kilometeren på Lillehammer.

Han gjekk inn 14,2 sekund framfor kasakhstanske Alexej Poltoranin og 15,5 sekund framfor 22 år gamle Didrik Tønseth – som tok tredjeplassen.

Det blei derimot spenning heilt inn, for Martin Johnsrud Sundby – som gjekk ut sist – låg lenge godt an. Han svikta derimot mot slutten, og ein spent Golberg kunne sleppe jubelen laust.

– Eg er litt skjelven akkurat no, sa Golberg i det første intervjuet etter sigeren.

– Skulle trudd nokon hadde dauda

Då han møtte NRK var det ein svært rørt 23-åring som prøvde å prate.

– Skulle trudd nokon hadde dauda, sa han galgenhumoristisk, før han tok seg nokre sekund for seg sjølv.

For det var mykje lette bak tårene. Golberg har imponert i sprintrenn, men i februar i år var han svært langt nede. Då kollapsa han på lagsprinten i VM, og kosta Noreg finaleplassen.

– Hadde eg gått ein individuell konkurranse hadde det vore greitt. Men eg var på lag med ein annan, og då kjendest det heilt «forjævlig», sa han då.

Etter sigeren innrømma Golberg at tankane streifa tilbake til februardagen i Val di Fiemme.

– Eg græt både når det går bra og når det går dårleg, seier han og ler – tydeleg flau over all grininga.

Northug hyllar Golberg

Petter Northug var lagkamerat til Golberg i VM-lagsprinten, og var klar på at Golberg ville få revansjert seg. Etter 15-kilometeren laurdag var Northug full av lovord.

– Han har hatt ein veldig bra sesongstart, og var eigentleg uheldig på sprinten i Kuusamo der han missa eit bra resultat. Han er ein person som kan gjere det bra både på distanse og på sprint. Det er sånne løparar vi treng, sa skikongen til NRK.

Sjølv blei han nummer ni – 40,7 sekund bak suverene Golberg.

Saka held fram under videoen.

Petter Northug har slitt med formen etter lange sykdomsperioder, men viste på 15 km klassisk at han er i rute til OL i SOtsji. Kommentatorer: Jann Post og Torgeir Bjørn
Pål Golberg

Det var ikkje berre tårer for Golberg etter sigeren. Gliset var også stort.

Foto: Larsen, Håkon Mosvold / NTB scanpix

– Mange som har ofra mykje

23-åringen frå Gol blei nummer fire på 15-kilometeren på Beitostølen, før han tok ein ny fjerdeplass i Kuusamo. På Lillehammer blei det endeleg perfekt.

– Det er ei tålmodsprøve. Når er ein endeleg lukkast er det ålreit, sa ein tårevåt sigersherre.

– Kva ligg bak dette?

– Det er mykje arbeid då. Men eg er heldig som har eit talent for dette, og det har eg brukt for kva det er verdt. I dag er det full klaff.

I verdscupen var ein andreplass frå lagsprint i Liberec i januar førre sesong hans beste resultat. Tankane etter den første individuelle verdscupsigeren – dryge to månader før OL i Sotsji – var mange.

– Det er veldig mykje ein tenkjer på akkurat no. Det er mange som har ofra mykje for at eg skal få gjere dette. Det kjennest veldig stort, sa Golberg.

Pål Golberg var raskest i løypa da de aller fleste løperne var ute i sporet på 15 km klassisk. Kommentatorer: Jann Post og Torgeir Bjørn

Siste nytt

  • Barcelona unngjekk sjokktap

    Barcelona fekk ein tidleg kalddusj då Domingos Duarte sende gjestane Granada i føringa etter to minutt i kveldens kamp i den spanske toppserien.

    Heilt på tampen av kampen sørga Ronald Araújo for å berge Barcelona frå eit pinleg heimetap.

    Uavgjortresultatet gjer at Barcelona står med åtte poeng etter fire kampar. Katalanarane fekk nyleg bank av Bayern München i meisterligaen, men i La Liga er dei framleis utan tap.

    Spain Soccer La Liga
    Foto: Joan Monfort / AP
  • Vurderar klubbyte for Bohinen

    Emil Bohinen slit med å få speletid etter millionovergangen til CSKA Moskva. No meiner pappa, Lars Bohinen, at sonen må vurdere å skifte klubb.

    – Han er jo ikkje nøgd med å ikkje spele og meiner han er god nok, seier han til NRK.

    22-åringen har ikkje starta ein kamp for sitt russiske lag sidan 25. juli. I kveldens kamp mot Spartak Moskva vart han bytta inn etter 65 minutt, men rakk ikkje å markere seg bortsett frå eit gult kort.

    – Viss situasjonen ikkje endrar seg før neste overgangsvindauge, så må vi jo sjå på andre løysningar. Han må jo spele, seier pappa-Lars.

    Emil Bohinen
    Foto: Gorm Kallestad / NTB
  • Satsar vidare på unge talent

    Vålerenga forlenga med unggutane Jacob Dicko Eng (17) og Seedy Jatta (18). Det opplyser klubben i ei pressemelding.

    Dei to har i år fått sjansen både i Eliteserien og i sommarens europakvalifisering.

    Dicko Eng vart henta frå Lyn i januar, men spelte seg raskt inn på A-laget. Jatta har vore involvert i 17 A-lagskampar denne sesongen, og fekk sitt første mål borte mot Stabæk.

    Dicko Eng har signert ein kontrakt som varer til juli 2024, medan Jatta har forlenga til sommaren 2025.

    Eliteserien fotball 2021: Stabæk - Vålerenga (0-2)
    Foto: Håkon Mosvold Larsen / NTB

Sendeplan

Kl. Program Kanal