NRK Meny
Normal

Fotballjentene vil lære av Atletico Madrid

Inspirert av verdas beste forsvars- og kontringslag vil Norge ta seg til EM i løpet av dei neste fem dagane.

Landslagstrening kvinner

SER TIL SPANIA: Landslagssjef Roger Finjord blir inspirert av Atletico Madrid. Her i samtale med Ada Hegerberg på treningen mandag.

Foto: Roald, Berit / NTB scanpix

Laster innhold, vennligst vent..

Sjå også Norge - Austerrike på NRK1/NRK2 og høyr kampen på radio NRK Sport frå kl 17.50.

– Historia viser at lag som presterer godt i serie, cup og meisterskap har gode forsvar og godt kontringspel, seier landslagssjef Roger Finjord.

Han gir uttrykk for beundring av Atletico Madrid – verdas beste forsvars- og kontringslag.

– Utan samanlilkning elles er vi er inspirerte av deira intense forsvarsspel, tette avstandar og ikkje minst omstillingane når dei går i kontring – vinklane og avstandane dei gir kvarandre tidleg, seier Finjord.

Gabi Fernandez

TØFT FORSVARSSPEL: Gabi Fernandez og resten av Atletico forsvarte seg godt i mesiterligafinalen. Det har inspirert kvinnelandslaget.

Foto: Alessandra Tarantino / Ap

– Blir vanskelege å slå

– Det brukar vi til å gjere nyansar i vårt eige spel. Vi skal utvikle den stilen vi har, og då må vi sjå på dei beste. Forsvar og kontringar har vore våre suksesskriteriar i mange år. Det ønskjer vi framleis at det skal vere, seier han.

– Greier vi å ha eit forsvarsspel der heile laget er dedikert til sine oppgåver, skal vi bli vanskelege å slå – også no i kveld, seier landslagssjefen.

Norge og Austerrike er dei to beste laga i gruppa. Norge vann 1-0 borte i april, og vil ta eit langt steg mot neste års EM om det blir poeng i dag.

Toppkampen mot Austerrike står først for tur, på Ullevaal i kveld.

– Vi vann nok nesten litt ufortent sist, og var ikkje heilt nøgde med kampen. Vi må vere betre i dag dersom vi skal vinne, seier Emilie Haavi.

– Og det skal vi. Vi har potensial til å gjere ein god kamp i dag. Det blir ein nøkkelkamp. Austerrike er det beste laget vi har møtt i denne kvaliken. Vinn vi i dag, ser det lyst ut, seier Haavi.

Det har ho rett i. For om Norge slår Austerrike i dag og Wales borte tysdag, er Norge matematisk EM-klar.

Null baklengs

Maren Mjelde

NESTEN EM-KLARE: - Mykje ligg i potten denne veka, seier landslagskaptein Maren Mjelde framfor kampane mot Austerrike og Wales

Foto: Roald, Berit / NTB scanpix

– Det skal skje mykje uheldig om vi ikkje kjem til EM. Og med siger no er det meste gjort. Det ligg mykje i potten denne veka, seier kaptein Maren Mjelde.

Laga har like mange poeng, men Norge har fire kampar att, Austerrike berre tre. Norge har spela gjerrig hittil i kvaliken, utan baklengsmål – 4-0 over både Kaskahstan og Wales, 1-0 borte mot både Israel og Austerrike.

– Eg har stor tru på at dette skal vi klare, seier Mjelde.

Roger Finjord ser for seg mykje folk på tribunene og ein varm og fin sommarkveld på Ullevaal i kveld.

– Kveldssol, 25 varmegrader og opp mot 10.000 på tribunene – då blir det ein strålande kveld for norsk fotball.

Laster innhold, vennligst vent..

Siste nytt

  • Turvoll Fossli reiser hjem

    Sondre Turvoll Fossli reiser hjem fra Ruka etter å ha kommet på sjetteplass under fredagens langrennssprint, skriver NTB. Fossli endte på sjetteplass i finaleheatet, men reiser nå hjem for å forberede seg til verdenscupen på Lillehammer.

    Verdenscup ski nordiske grener
    Foto: Terje Pedersen / NTB scanpix
  • Sveits vant mot Norge

    Sveits vant bronse i curling-EM etter å ha slått Norge 6-5 i fredagens kamp. I finalen i morgen møtes Sverige og Skottland.

    Thomas Ulsrud
    Foto: Jon Eeg / NTB scanpix
  • Uforandret lag for Norge

    Norge stiller med de samme fire hopperne som forrige helg i morgendagens lagkonkurranse. Det til tross for at Anders Fannemel bommet totalt i kveldens renn. De fire som skal hoppe for Norge er da Tande, Forfang, Fannemel og Johansson.

    lag
    Foto: Janek Skarzynski / AFP

Sendeplan

Kl. Program Kanal